2026 جىلعى 1 قاڭتاردان باستاپ بجزق-دان تولەنەتىن زەينەتاقى تولەمدەرى مەن تۇرعىن ءۇي/ەمدەلۋگە ارنالعان ءبىرجولعى زەينەتاقى تولەمدەرى (بزت) جەكە تابىس سالىعىنان (جتس) بوساتىلدى، دەپ حابارلايدى Aqshamnews.kz ءتىلشىسى.
بجزق تۇسىندىرمەسىنە سايكەس، جاڭا سالىق كودەكسى كۇشىنە ەنگەننەن كەيىن جتس ەندى:
-
بجزق-دان تولەنەتىن زەينەتاقىنىڭ بارلىق تۇرىنەن؛
-
تۇرعىن ءۇي جاعدايىن جاقسارتۋعا ارنالعان بزت-دان؛
-
ەمدەلۋگە ارنالعان بزت-دان ۇستالمايدى.
ەرەكشەلىك: جتس تەك قازاقستان رەسپۋبليكاسىنىڭ رەزيدەنتى ەمەس تۇلعالارعا تولەنەتىن زەينەتاقى تولەمدەرىنەن ۇستالادى.
بۇرىن (2026 جىلعا دەيىن) زەينەتاقى تولەمدەرى مەن بزت-عا 10% جتس سالىناتىن: سالىق نە بىردەن ۇستالدى، نە كەيىنگى زەينەتاقى تولەمدەرى كەزىندە كەيىنگە قالدىرىلىپ وندىرىلەتىن. 2026 جىلعى 1 قاڭتاردان باستاپ:
-
بارلىق زەينەتاقى تولەمدەرىنەن جتس ۇستاۋ توقتاتىلدى؛
-
بزت تولىقتاي سالىقتان بوساتىلدى؛
-
تۇرعىن ءۇي/ەمدەلۋگە الىنعان بزت بويىنشا بۇرىن ەسەپتەلگەن، ءبىراق كەيىنگە قالدىرىلعان جتس مىندەتتەمەلەرى جويىلدى.
بۇل رەتتە، بۇرىن تولەنگەن سالىقتى جالپى تارتىپپەن قايتارۋ قاراستىرىلماعان، تەك جەكەلەگەن ساناتتارعا قاتىستى
سالىق كودەكسىنىڭ 404-بابىندا كورسەتىلگەن ساناتتار (I–III توپ مۇگەدەكتىگى بار ادامدار، مۇگەدەك بالا اسىراۋشىلارى/قامقورشىلارى، اسىراپ الۋشىلار، ۇرىس قيمىلدارى ارداگەرلەرى جانە ت.ب.) بۇرىن بزت العان كەزدە جتس تولەپ قويعان بولسا، بجزق-عا ءوتىنىش بەرىپ، قۇجاتتارىن ۇسىنۋ ارقىلى قايتا ەسەپتەتىپ، سالىقتى قايتارتا الادى. ءوتىنىش بەرۋ مەرزىمى - بزت العان كۇننەن باستاپ 3 جىل.
2026 جىلدان باستاپ جەكە تۇلعانىڭ ءوز پايداسىنا اۋدارعان ەرىكتى زەينەتاقى جارنالارى بويىنشا سالىقتىق شەگەرىم الىنىپ تاستالدى. ءبىراق جۇمىس بەرۋشى تولەيتىن ەرىكتى جارنالارعا جەڭىلدىك ساقتالادى: ول قىزمەتكەردىڭ تابىسى بولىپ ەسەپتەلمەيدى جانە جتس سالىنبايدى، ال جۇمىس بەرۋشى ونى كتس ەسەپتەگەندە شەگەرىمگە جاتقىزا الادى.