باس پروكۋراتۋرا ينتەرپولدىڭ ۇلتتىق ورتالىق بيۋروسىمەن بىرلەسىپ، سىرتقى ىستەر مينيسترلىگىنىڭ قولداۋىمەن بىرنەشە رەت الاياقتىق جاسادى دەپ كۇدىككە ءىلىنىپ، حالىقارالىق ىزدەۋدە جۇرگەن قازاقستان ازاماتشاسىن تۇركيادان ەلگە قايتاردى، دەپ حابارلايدى اqshamnews.kz ءتىلشىسى.
پروكۋراتۋرا مالىمەتىنشە، كۇدىكتى 2024 جىلى قىزىلوردا قالاسىندا ازاماتتارعا «ارزان باعامەن التىن، زەرگەرلىك بۇيىم جەتكىزىپ بەرەمىن» دەپ ۋادە بەرىپ، الداپ كەتكەن. سونىڭ سالدارىنان 8 ادام جاپا شەگىپ، كەلتىرىلگەن ماتەريالدىق شىعىن كولەمى شامامەن 130 ملن تەڭگە بولعان.
اقشانى العاننان كەيىن ايەل شەتەلگە قاشىپ، بوي تاسالاعان. وسىعان بايلانىستى پوليسيا ونى حالىقارالىق ىزدەۋگە جاريالاعان.
كۇدىكتى تۇركيا اۋماعىندا ۇستالىپ، قازاقستانعا ەكستراديسيالانعان. قازىرگى ۋاقىتتا ول تەرگەۋ يزولياتورىنا قامالدى. پروكۋراتۋرانىڭ ەسكەرتۋىنشە، تاعىلعان ايىپتار بويىنشا مۇلكىن تاركىلەۋ جانە 5 جىلدان 10 جىلعا دەيىن باس بوستاندىعىنان ايىرۋ جازاسى قاراستىرىلعان.