بۇل قىزمەت ەكىنشى دەڭگەيلى بانكتەردىڭ قوسىمشالارى ارقىلى پايدالانىلادى.
ەڭبەك جانە حالىقتى الەۋمەتتىك قورعاۋ مينيسترلىگى قازاقستاندىقتار الاتىن زەينەتاقى مەن جاردەماقى، سونداي-اق الەۋمەتتىك تولەمدەر تۋرالى انىقتاما بەرۋ پروسەسىن اۆتوماتتاندىردى، دەپ حابارلايدى Almaty-akshamy.kz
بۇرىن انىقتامالاردى حالىققا قىزمەت كورسەتۋ ورتالىقتارىنان قاعاز جەتكىزگىشتە الۋعا بولاتىن. ازاماتتار تاراپىنان سۇرانىس كوپ بولعاندىقتان، قىزمەتتى اۆتوماتتاندىرۋ قاجەتتىلىگى تۋىندادى. مينيسترلىكتىڭ مالىمەتىنشە، تەك 2022 جىلى 210 مىڭنان استام ادام وسىنداي انىقتاما العان.
"ەڭبەك مينيسترلىگى ەكىنشى دەڭگەيلى بانكتەرمەن بىرلەسىپ، قاجەت دەرەكتەردى ءموبيلدى قوسىمشا ارقىلى 15 مينۋت ىشىندە ەلەكتروندى فورماتتا الۋ مۇمكىندىگىن جۇزەگە اسىردى. انىقتامانىڭ سيفرلىق نۇسقاسىندا بۇعان دەيىن تولەنگەن جانە بەلسەندى تولەمدەردىڭ مولشەرى تۋرالى اقپارات بار. قىزمەت الۋشى 2016 جىلدان باستاپ كەز كەلگەن كەزەڭدى تاڭداي الادى (ەڭ جوعارى كەزەڭ – 3 جىل)"، - دەپ حابارلادى ۆەدومستۆودان.
قازىرگى ۋاقىتتا انىقتامالاردى حالىق بانكتىڭ ءموبيلدى قوسىمشاسى ارقىلى الۋعا بولادى.
جاقىن ارادا وسى قىزمەتتى Kaspi Bankء-تىڭ قوسىمشاسىنا دا ەنگىزۋ جوسپارلانىپ وتىر.
"الىنعان جاردەماقىلار، زەينەتاقى جانە الەۋمەتتىك تولەمدەر تۋرالى ءموبيلدى قوسىمشا ارقىلى انىقتاما بەرۋ اقپارات الۋ پروسەسىن جەڭىلدەتەدى جانە وڭايلاتادى، سونىمەن قاتار مەملەكەتتىك بيۋدجەتتى ايتارلىقتاي ۇنەمدەيدى"، - دەپ ءتۇسىندىردى ەڭبەك جانە حالىقتى الەۋمەتتىك قورعاۋ مينيسترلىگىندە.