بوتەننىڭ كولىگىن ۇرلاعاندار قۇرىقتالدى.
ونىڭ كومەگىمەن ءۇش ەر ادام الماتىنىڭ مەدەۋ اۋدانىنداعى تۇرعىن ءۇي كەشەندەرىنىڭ ءبىرىنىڭ اۆتوتۇراعىندا تۇرعان بوتەن بىرەۋدىڭ Toyota Camry كولىگىن ۇرلاپ ۇلگەرگەن.
«كولىگىنىڭ جوعالعانىن بايقاعان شەتەلدىك كولىك يەسى بۇل تۋرالى “102” ارناسىنا حابارلاعان. بۇل قىلمىستى اشۋ ماقساتىندا ارنايى جەدەل تەرگەۋ توبى قۇرىلدى. كەشەندى جەدەل ءىس-شارالار ناتيجەسىندە ءۇش ەر ادام ۇستالدى. ولاردى قالاداعى قوناق ۇيلەردىڭ بىرىندە قۇرىقتادى. ۇرلانعان كولىك استانا قالاسىنان تابىلدى جانە تاركىلەندى. كۇدىكتىلەر ونى ساتىپ ۇلگەرگەن»، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
سونىمەن قاتار ۇستالعانداردان Toyota ەسىگىنىڭ قۇلپىن اشۋ ءۇشىن پايدالانىلعان قۇرىلعى تاركىلەندى. ق ر كونستيتۋسياسىنىڭ جانە ق ر قپك-نىڭ 201-بابىنا سايكەس، قىلمىستىق ءىس بويىنشا وزگە دە مالىمەتتەر جاريا ەتىلمەيدى.