الماتى پوليسەيلەرى ادام ۇرلاۋدىڭ جولىن كەستى.
قىلمىس كەشە كەشكىسىن قالانىڭ المالى اۋدانىندا ورىن العان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جبو جەدەل كەزەكشىسىنەن Chevrolet كولىگىنە ادامدى كۇشتەپ وتىرعىزۋ تۋرالى حابارلاما كەلىپ ءتۇستى. قالا بويىنشا ارنايى “پەرەحۆات” جوسپارى ەنگىزىلدى. اتالعان كولىك گوگول مەن پۋشكين كوشەلەرىنىڭ قيىلىسىندا كوزگە تۇسكەن. ىزىنە ءتۇسۋ ناتيجەسىندە كولىكتى ەكى ەكيپاج ماقاتايەۆا مەن جەتىسۋ كوشەلەرىنىڭ قيىلىسىندا جاۋىپ تاستادى. سالوندا ءۇش ادام بولعان، ولار ۇستالدى. جۇكسالعىشتان تاعى ءبىر ەر ادام تابىلدى، ول اتالعان كولىكتىڭ يەسى ەكەندىگى بەلگىلى بولدى. كۇدىكتىلەر جەدەل تەرگەۋ توبىنا تاپسىرىلدى. ولاردىڭ ارەكەتىنە قۇقىقتىق باعا بەرىلەتىن بولادى»، – دەدى الماتى قالاسى پد جپقب پپپ ۆزۆودىنىڭ كومانديرى مەيىرجان قالكەيەۆ.
ۇستالعانداردىڭ ايتۋىنشا، Chevrolet كولىگىنىڭ يەسى ولاردى ءىرى كولەمدەگى اقشاعا الداپ كەتكەن. وسىلايشا، ولار قارىزدى قايتارىپ الماق بولدى. ال جابىرلەنۋشى كەرىسىنشە ايتىپ وتىر، ونى قۇتقارعان پوليسيا قىزمەتكەرلەرىنە العىسىن ءبىلدىردى. قىلمىستىق ءىستىڭ باسقا دا ءمان-جايلارى ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.