سونداي-اق، بالالارعا بەرىلەتىن جاردەماقىنىڭ كولەمى ايلىق ەسەپتىك كورسەتكىشىنىڭ نەگىزىندە كوبەيەدى
بيىل زەينەتاقى مەن كەيبىر جاردەماقى تۇرلەرىنىڭ مولشەرى 4 پايىزعا وسەدى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە ەڭبەك، الەۋمەتتىك قورعاۋ جانە كوشى-قون كوميتەتىنىڭ وبلىس بويىنشا دەپارتامەنتىنىڭ باسشىسى ەرتىلەۋ جالعاسبايەۆ مالىمدەدى، دەپ حابارلايدى Almaty-akshamy.kz.
ال بازالىق زەينەتاقىلار مەن جاردەماقى مولشەرى ايلىق ەسەپتىك كورسەتكىش نەگىزىندە كوبەيەدى. جالپى وبلىستا 243 مىڭعا جۋىق ادامعا زەينەتاقى مەن جاردەماقى تۇرلەرى بەرىلەدى.
«ق ر زاڭىمەن «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزىلدى. سايكەسىنشە، وسىعان دەيىن تاعايىندالعان جاسىنا بايلانىستى زەينەتاقى تولەمدەرى 4 پايىزعا يندەكستەلدى. مۇگەدەكتىگى بار جانە اسىراۋشىسىنان ايىرىلۋىنا بايلانىستى بەرىلەتىن الەۋمەتتىك جاردەماقى ەڭ تومەنگى كۇنكورىس دەڭگەيىنىڭ ۇلعايۋىنا بايلانىستى ارتادى. سونداي-اق، بالالارعا بەرىلەتىن جاردەماقىنىڭ كولەمى ايلىق ەسەپتىك كورسەتكىشىنىڭ نەگىزىندە كوبەيەدى. وسىعان سايكەس، ءساۋىر جانە مامىر ايلارىنداعى جاردەماقى تولىقتاي ەسەپتەلىپ ماۋسىم ايىنان باستاپ تولەنەدى. ال شىلدەدەن باستاپ 1 ايعا كوبەيتىلگەن مولشەردە بەرىلەتىن بولادى»، - دەدى ەرتىلەۋ جالعاسبايەۆ.