ەكىنشى ورىندا استانالىقتار تۇر.
2022 جىلدىڭ 1 مامىرىنداعى جاعداي بويىنشا 2021 جىلدىڭ قاڭتارىنان بەرى بجزق سالىمشىلاردىڭ تۇرعىن ءۇي جاعدايىن جاقسارتۋ ءۇشىن جيناقتالعان زەينەتاقى قاراجاتىن پايدالانۋعا 1 321 017 ءوتىنىشىن ورىنداعان، دەپ حابارلايدى Almaty-akshamy.kz Inbusiness.kz.
ۋاكىلەتتى وپەراتور-بانكتەردە اشىلعان قازاقستاندىقتاردىڭ ارنايى شوتتارىنا بجزق 3،1 ترلن تەڭگەدەن استام قارجى اۋداردى. ءبىرجولعى زەينەتاقى تولەمدەرىنىڭ ورتاشا سوماسى – 2،4 ملن تەڭگە.
«ورىندالعان وتىنىشتەردىڭ ەڭ كوبى الماتى قالاسىنىڭ (17،74%)، نۇر-سۇلتان قالاسىنىڭ (13،52%)، ماڭعىستاۋ وبلىسىنىڭ (10،40%) تۇرعىندارى تاراپىنان جولدانعان. ايتا كەتەرلىك ءجايت، 2022 جىلدىڭ ءساۋىر ايىندا (01.04.22-30.04.22) جالپى سوماسى 7،6 ملرد تەڭگەگە بارلىعى 3 276 ءوتىنىش ورىندالدى»، – دەپ حابارلادى بجزق باسپا ءسوز قىزمەتى.
ايتا كەتەيىك، ۋاكىلەتتى وپەراتورلاردان سالىمشىلاردىڭ جەكە زەينەتاقى شوتتارىنا (جزش) ءوتىنىش بەرۋشىنىڭ ءوتىنىشى جانە وزگە دە سەبەپتەر بويىنشا 422،0 ملرد تەڭگەدەن اسا قاراجات قايتارىلدى، سەبەبى، قازاقستاندىقتار ءبىرجولعى زەينەتاقى تولەمدەرىن بەلگىلەنگەن مەرزىمدە پايدالانباعان.
«سونىمەن قاتار، بجزق ەمدەلۋگە بەرىلگەن 295،9 ملرد تەڭگەگە 383 191 ءوتىنىشتى ورىندادى. بۇل رەتتە الۋعا بولاتىن ورتاشا سوما شامامەن 0،8 ملن تەڭگە. سونىمەن قاتار، سالىمشىلاردىڭ بجزق-داعى جزش-نا ۋاكىلەتتى وپەراتوردان 28،1 ملرد تەڭگە قايتارىلدى، بۇل قاراجات سالىمشىنىڭ ءوتىنىشى نەمەسە وزگە دە سەبەپتەر بويىنشا بەلگىلەنگەن مەرزىمدە پايدالانىلماعان. 2022 جىلدىڭ ءساۋىر ايىندا (01.04.22-30.04.22) جالپى سوماسى 2،5 ملرد تەڭگەگە 2 195 ءوتىنىش ورىندالدى»، – دەپ حابارلادى بجزق-نىڭ باسپا ءسوز قىزمەتى.
2022 جىلدىڭ 1 مامىرىنداعى جاعداي بويىنشا، ينۆەستيسيالىق پورتفەلدى باسقارۋشىلارعا (يپب) 8،7 ملرد تەڭگە اۋدارىلىپ، بجزق 5 869 ءوتىنىشتى ورىندادى. اۋدارىمنىڭ ورتاشا سوماسى 1،5 ملن تەڭگە.