بوستاندىق اۋدانىنىڭ پروكۋراتۋراسىنا الماتى سوتىنا «Astra Consulting Agensy» جانە «Alpha Lux Consulting» قارجى پيراميداسىنا قاتىستى قىلمىستىق ءىس تۇسكەن.
الماتى قالاسى بوستاندىق اۋدانىنىڭ پروكۋراتۋراسى «Astra Consulting Agensy» ج ش س جانە «Alpha Lux Consulting» ج ش س باسشىلارى مەن مەنەدجەرلەرىنە قاتىستى قارجى پيراميداسى تۋرالى قىلمىستىق ءىستى سوتقا جولدادى. قارجى پيراميداسى سالىمشىلارعا 600 ملن تەڭگەدەن استام شىعىن كەلتىردى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«تەرگەۋ بارىسىندا انىقتالعانى، ۇيىمداستىرۋشىلار مەن مەنەدجەرلەر ۇيالى تەلەفوندارعا قوڭىراۋ شالىپ، قارجىلىق ساۋاتتىلىق كۋرستارىنا شاقىرعان. سودان كەيىن ولار سالىم سوماسىنا بايلانىستى ءارتۇرلى پايىزدارمەن 124 سالىمشىنى الداپ، اقشانى سەنىمگەرلىك باسقارۋ تۋرالى كەلىسىمدەر جاساعان. ينۆەستورلارعا سالىم سوماسىنا بايلانىستى جەدەل تولەمدەر بەرۋگە ۋادە ەتكەن. قىلمىستىق ءىس شەڭبەرىندە 6 ادام كۇدىكتى رەتىندە تانىلىپ، ولارعا قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى تاڭدالدى»، - دەپ حابارلادى پروكۋراتۋرادان.
قازىرگى ۋاقىتتا قىلمىستىق ءىس اياقتالىپ، سوتقا جولداندى. پروكۋراتۋرا ورگاندارى ازاماتتارعا جوعارى پايدا تابۋعا ۋادە بەرەتىن ءتۇرلى كاسىپورىندارعا قاراجات سالۋ تۋرالى ۇسىنىستار العان كەزدە اباي بولۋعا شاقىردى.