كەلىپ تۇسكەن ارىزدىڭ 3 پايىزىندا عانا نورماتيۆتىك-قۇقىقتىق اكتىلەردىڭ كەمشىلىكتەرى، پروبلەمالارى تۋرالى ماسەلەلەر كوتەرىلەدى.
ق ر كونستيتۋسيالىق كەڭەسىنىڭ اپپارات باسشىسى باقىت نۇرمۇحانوۆ ايتۋىنشا، كونستيتۋسيالىق كەڭەسكە ازاماتتاردان جىلىنا 500-600 شاعىم كەلىپ تۇسەدى، دەپ حابارلايدى Almaty-akshamy.kz
«ءقازىردىڭ وزىندە كونستيتۋسيالىق كەڭەس ازاماتتاردىڭ شاعىمىن قارامايدى. سوعان قاراماستان جىلىنا شامامەن 500-600 شاعىم كەلىپ تۇسەدى. ءبىز ولارعا قازىرگى قولدانىستاعى اكىمشىلىك-راسىمدىك پروسەستىك كودەكستىڭ تالاپتارى بويىنشا جاۋاپ بەرەمىز. ياعني، ونىڭ كوپشىلىگى باسقا مەملەكەتتىك ورگاندارعا جولدانىپ وتىرادى. ءقازىر دە ايتۋىما بولادى، ولاردىڭ كوپشىلىگى كونستيتۋسيالىق كەڭەستىڭ دە، كونستيتۋسيالىق سوتتىڭ دا وكىلەتتىگىنە كىرمەيدى»، - دەدى ول.
ماسەلەن، ونىڭ ايتۋىنشا، كوپتەگەن ازامات سوت ۇكىمدەرىمەن كەلىسپەيدى. جازانى قاتاڭ دەپ سانايدى. ءوزىنىڭ كىناسى دالەلدەنبەگەن دەپ ەسەپتەيدى. ال مۇنداي ماسەلەلەردى قاراۋ ەشقانداي ەلدە كونستيتۋسيالىق سوتتىڭ قۇزىرىنا كىرمەيدى.
«دالەلدەمەلەرگە ءتيىستى باعا بەرۋ سوتتىڭ مىندەتى. كەلىپ تۇسكەن ارىزدىڭ 3 پايىزىندا عانا نورماتيۆتىك-قۇقىقتىق اكتىلەردىڭ كەمشىلىكتەرى، پروبلەمالارى تۋرالى ماسەلەلەر كوتەرىلەدى. بۇل - كونستيتۋسيالىق سوتتا قارالا الاتىن ماسەلەلەر. ءبىراق، ءقازىر ازاماتتار كونستيتۋسيالىق كەڭەسكە تىكەلەي جۇگىنە المايدى»، - دەدى باقىت نۇرمۇحانوۆ.