11 ايداعى تازا ءوسىم 22،5%-دى قۇرادى.
2024 جىلدىڭ 11 ايىندا قازاقستاندىقتاردىڭ زەينەتاقى جيناقتارى 4 ترلن تەڭگەگە ءوسىپ، 21،9 ترلن تەڭگەگە جەتكەن، دەپ حابارلايدى aqshamnews.kz
زەينەتاقى قورىنداعى اكتيۆتەرگە 11 ايدا 2،7 ترلن تەڭگە ينۆەستيسيالىق تابىس ەسەپتەلگەن. 11 ايداعى ءوسىم 29،5%-عا تەڭ. ينۆەستيسيالىق پورتفەلدىڭ باسىم بولىگىن مەملەكەتتىك باعالى قاعازدار مەن قازاقستان ەميتەنتتەرىنىڭ كورپوراتيۆتىك باعالى قاعازدارى قۇرايدى. بجزق اكتيۆىن نەگىزىنەن ۇلتتىق بانك باسقارادى.
ال ينۆەستيسيالىق پورتفەلدى باسقارۋشىلارعا زەينەتاقى جيناعىنىڭ 63،2 ملرد تەڭگەسى باسقارۋعا بەرىلگەن.
«ءبىرىڭعاي جيناقتاۋشى زەينەتاقى قورىنا» ەل بويىنشا 12،3 ملن ادام زەينەتاقى جارناسىن اۋدارادى. ونىڭ باسىم بولىگى مىندەتتى زەينەتاقى جارنالارىن اۋداراتىندار: 11 129 442. ەرىكتى زەينەتاقى جارناسىن تولەيتىندەردىڭ قاتارى 436 مىڭعا جەتسە، 68 مىڭنانا اسا ادامعا مىندەتتى كاسىپتىك زەينەتاقى جارنالارى اۋدارىلادى.
قازاقستاندىقتار زەينەتاقى جيناقتارىنىڭ 4،33 ترلن تەڭگەدەن اساتىن مولشەرىن تۇرعىن ءۇي جاعدايىن جاقسارتۋعا جانە ەمدەلۋگە پايدالاندى.