قاراعاندى وبلىسىندا بيىل «كۇمىس جاس» رەسپۋبليكالىق جوباسى ىسكە قوسىلادى. باعدارلاما زەينەتكەرلىك جاسقا دەيىنگى ادامداردى جۇمىسقا ورنالاستىرۋعا كومەكتەسەدى، دەپ حابارلايدى اlmaty-akshamy.kz inform.kz سىلتەمە جاساپ.
بيىلعى جىلعا جوسپار – 534 ادام. جۇمىس بەرۋشىلەرگە وسىنداي قىزمەتكەرلەردىڭ جالاقىسى 30 اەك مولشەرىندە سۋبسيديالاناتىن بولادى.
ادەتتە، قانداي دا ءبىر سەبەپتەرمەن جۇمىسىنان ايرىلعان اعا بۋىن وكىلدەرىنە ەڭبەككە قايتا ورنالاسۋ وتە قيىن. جاڭا جوبا وسىنداي جۇمىسسىزدارعا زەينەتكە شىققانعا دەيىن تۇراقتى جۇمىس ورنىن تابۋعا كومەكتەسۋگە ارنالعان.
«وڭىردە كاسىپكەرلىكتى دامىتۋ جونىندەگى ۇلتتىق جوبا بويىنشا سۋبسيديالانعان جۇمىس ورىندارى قۇرىلاتىن بولادى. اتاپ ايتقاندا، اعا بۋىنعا «كۇمىس جاس» جوباسى جۇمىسقا ورنالاسۋعا كومەكتەسەدى. ءبىز زەينەتكەرلىك جاسقا دەيىنگى جۇمىس ىزدەۋشىنى جۇمىسقا قابىلداۋعا نيەت بىلدىرگەن جۇمىس بەرۋشىنىڭ جالاقىسىن سۋبسيديالايمىز. جىل بويى اي سايىن مەملەكەت تاراپىنان 30 اەك تولەنەتىن بولادى – بۇل 91 890 تەڭگە»، – دەدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسپەكوۆا.
«كۇمىس جاس» جوباسى بويىنشا جۇمىس ىزدەۋشى رەتىندە تىركەلۋ ءۇشىن جۇمىسپەن قامتۋ ورتالىقتارىنا نەمەسە ەnbek ەلەكتروندىق ەڭبەك بيرجاسىنا جۇگىنۋ قاجەت.