پيتەر گريففيتس «قازاقستاننىڭ اۆياسيالىق اكىمشىلىگى» اق باس ديرەكتورى قىزمەتىنەن كەتەدى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياسيا كوميتەتىنەن ءمالىم ەتتى، دەپ حابارلايدى اlmaty-akshamy.kz.
«2021 جىلعى 7 جەلتوقساندا بەرىلگەن وتىنىشىنە سايكەس، 2022 جىلعى 7 اقپاننان باستاپ پيتەر گريففيتستىڭ «قازاقستاننىڭ اۆياسيالىق اكىمشىلىگى« اق باس ديرەكتورى قىزمەتىندەگى وكىلەتتىگى ءوز ەركىمەن توقتاتىلادى.
پيتەر گريففيتس «قازاقستاننىڭ اۆياسيالىق اكىمشىلىگى« اق قۇرىلعاننان بەرى 2 جىلدان استام جۇمىس ىستەدى جانە اۆياسيالىق رەتتەۋشىنىڭ دامۋىنا ۇلكەن ۇلەس قوستى. ونىڭ باسشىلىعىمەن ازاماتتىق اۆياسيانى باسقارۋ بويىنشا الدىڭعى قاتارلى ەۋروپالىق مودەلگە سايكەس اۆياسيالىق اكىمشىلىكتىڭ قالىپتاسۋى ءوتتى. مۇنداي ءتاسىل قازاقستاندا العاش رەت ەنگىزىلدى جانە تمد ەلدەرى اراسىندا بىرەگەي بولىپ تابىلادى»، - دەپ اتاپ ءوتتى كوميتەتتە.
2022 جىلعى 7 اقپاننان باستاپ ليندا ورلەدي «قازاقستاننىڭ اۆياسيالىق اكىمشىلىگى» اق باس ديرەكتورى مىندەتىن ۋاقىتشا اتقاراتىن بولادى. ول 2019 جىلعى جەلتوقساننان باستاپ باس ديرەكتوردىڭ ءبىرىنشى ورىنباسارى، ۇشۋ قاۋىپسىزدىگىنىڭ باستىعى قىزمەتىن اتقارىپ كەلدى.
ۆەدومستۆونىڭ مالىمەتىنشە، 2021 جىلعى 2-11 تامىز ارالىعىندا ۇشۋ قاۋىپسىزدىگى بويىنشا يكاو-نىڭ ۇيلەستىرىلگەن ۆاليداسيالىق ميسسياسى (ICVM) اياسىندا يكاو اۋديتورلارىنىڭ سالانى تاۋەلسىز تەكسەرۋ قورىتىندىلارى بويىنشا قازاقستان يكاو ستاندارتتارىنا سايكەستىكتىڭ ورتاشا الەمدىك دەڭگەيىنەن 15 پايىزعا اسىپ، 84 پايىزعا جەتتى.