ولارعا 68،5 ملرد تەڭگە بولىنگەن.
وتكەن جىلى 990 مىڭنان استام قازاقستان ازاماتتى مەملەكەت تاراپىنان الەۋمەتتىك كومەك العان، دەپ حابارلايدى Almaty-akshamy.kz.
«2022 جىلعى 1 قاڭتارداعى جاعداي بويىنشا 198،4 مىڭ وتباسىنداعى 990،5 مىڭ ادامعا اتاۋلى الەۋمەتتىك كومەك تاعايىندالدى. وسى ماقساتقا بيۋدجەتتەن 68،5 ملرد تەڭگە ءبولىندى»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ حابارلاماسىندا.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە.
2022 جىلعى 1 قاڭتاردا ااك الۋشىلار قاتارىنداعى 1 جاستان 6 جاسقا دەيىنگى 259،4 مىڭ بالاعا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك، ااك الۋشىلارعا تج ءتارتىبى مەن كارانتيندىك شەكتەۋ شارالارىنىڭ قولدانىلۋىنا بايلانىستى 2020 جىلعى II، III جانە IV توقسانداردا، سونداي-اق 2021 جىلعى I، II توقسانداردا، 2022 جىلعى I توقساندا كومەك تاعايىنداۋ ۇزارتىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.