قازاقستاندىق تەننيسشى زارينا دياس يسپانيانىڭ تاۋستە قالاسىندا وتكەن ITF W35 ساناتىنداعى تۋرنيردە توپ جارىپ، كەزەكتى رەت چەمپيون اتاندى، دەپ حابارلايدى Aqshamnews.kz ءتىلشىسى.
فينالدىق كەزدەسۋدە دياس يتاليالىق ديلەتتا چەرۋبينيمەن (WTA رەيتينگى – 446) شەبەرلىك بايقاستى. قارسىلاسىن 6:1، 6:7 (4:7)، 6:1 ەسەبىمەن جەڭىپ شىققان زارينا ماچتى 2 ساعات 1 مينۋتتا اياقتادى.
بۇل – ونىڭ ITF تۋرنيرلەرىندەگى 12ء-شى چەمپيوندىق تيتۋلى. بۇعان دەيىن زارينا WTA 250 دەڭگەيىندەگى تۋرنيردە دە جەڭىمپاز اتانعان بولاتىن.
"بۇل جەڭىس زارينانىڭ حالىقارالىق ارەنالاردا قايتادان سەنىمدى ويىن كورسەتىپ كەلە جاتقانىن دالەلدەيدى. ونىڭ تاجىريبەسى مەن كاسىبي شەبەرلىگى جاس سپورتشىلارعا ۇلگى"، – دەلىنگەن قازاقستان تەننيس فەدەراسياسىنىڭ مالىمدەمەسىندە.