قوسىمشا ءبىلىم بەرۋ جۇمىسى تەك ۇيىرمەلەر مەن سەكسيالارەمەس. بۇل بالانىڭ ەڭ جاقسى قاسيەتتەرىن انىقتاۋعا جانە ساپالى دامۋعا جاڭا سەرپىن بەرۋگە مۇمكىندىك بەرەتىن باعدارلامالار جيىنتىعى دەسەك بولادى. قازاقستاندا وقۋ-ساۋىقتىرۋ ورتالىعى بازاسىندا وقۋ-تاربيە جۇمىسىن ۇيىمداستىرۋ جونىندە قازاق ءتىلدى ادىستەمەلىك قۇرال جارىق كوردى. تولىق اقپارات الۋ ءۇشىن ءبىز باسىلىمنىڭ اۆتورى – "بالداۋرەن" رەسپۋبليكالىق وقۋ-ساۋىقتىرۋ ورتالىعىنىڭ ديرەكتورى جارقىناي بيبولاتقىزىنا جۇگىندىك.
زاماناۋي بالالار وقۋ-ساۋىقتىرۋ ورتالىقتارى ءقوسىمشابىلىم بەرۋ جۇيەسىندە ەرەكشە ءرول اتقارادى. ولار جاقسى دەمالۋ،بالالاردىڭ دەنساۋلىعىن قالپىنا كەلتىرۋ ماسەلەلەرىن ءتيىمدى شەشىپ، سونىمەن قاتار بالانىڭ شىعارماشىلىق، زياتكەرلىك دامۋىنا ىقپال ەتەدى جانە وقۋ-تاربيە پروسەسىن تاجىريبەدە جۇزەگە اسىرادى.
«قازاقستاندىق وقۋشىلاردى جان-جاقتى وقىتۋ جانە دامىتۋ ءۇشىن قولايلى جاعداي جاساۋ – ءبىزدىڭ ورتاق مىندەتىمىز» - دەپ مەملەكەت باسشىسى قاسىم-جومارت توقايەۆ اتاپكەتكەندەي، «بالداۋرەن» وقۋ-ساۋىقتىرۋ ورتالىعى - قازىرگى تاڭدا جاسوسپىرىمدەردىڭ دەمالىسىن، ساۋىعۋىن ساپالى ۇيىمداستىرىپ، شىعارماشىلىق دامۋلارىنا جان-جاقتى جاعداي جاسايتىنالدىنعى قاتارداعى ەرەكشە ماڭىزدى ورتالىقتاردىڭ ءبىرى.
ورتالىقتىڭ نەگىزگى باعىتى – بالالاردىڭ قۇقىقتارى مەن زاڭدى مۇددەلەرىن قامتاماسىز ەتە وتىرىپ، ۇلتتىق رۋحانيقۇندىلىقتارعا، سالت-داستۇرگە، بىلىمگە نەگىزدەلگەن تاربيە بەرۋمەن اينالىسۋ، از عانا ۋاقىتتا بالانىڭ بويىنا رۋحاني قۇندىلىقتاردى جان-جاقتى دارىپتەي وتىرىپ، ءبىلىم مەن دوستىققارىم-قاتىناستى، قۇرمەت پەن سەنىم، سونىمەن قاتاركوشباسشىلىق، شەشەندىك ونەر، سىني ويلاۋ، سپورتتىق، زياتكەرلىك قابىلەتتەرىن دامىتۋ. «بالداۋرەن» وقۋ-ساۋىقتىرۋ ورتالىعى ۋاقىتشا ءبىلىم ورتاسىنا كەلگەن بالانىڭ تۇلعالىق الەۋمەتتەنۋ بارىسىندا ونىڭ شىعارماشىلىق قابىلەتىنىڭ، مادەنيەتىنىڭ وسۋىنە، ءوزىن ءوزى تانۋى مەن پاتريوتتىق سەزىمىنىڭ قالىپتاسۋىنا، ازاماتتىق بەلسەندىلىگىن ارتتىرۋىنا ۇلكەن ۇلەسقوسادى»- دەيدى "بالداۋرەن" ورتالىعىنىڭ ديرەكتورى جارقىناي بيبولات قىزى.
جارقىناي بيبولات قىزى ءوزىنىڭ جەكە جانە كاسىبي تاجىريبەسىنە سۇيەنە وتىرىپ، قالا سىرتىنداعى بالالار وقۋ-ساۋىقتىرۋ ورتالىعىندا وقۋ-تاربيە پروسەسىن ۇيىمداستىرۋ تۋرالىمەملەكەتتىك تىلدە ادىستەمەلىك قۇرال دايىنداپ شىعاردى. "بالداۋرەن" ورتالىعىنىڭ ماماندارى بۇل ادىستەمە قوسىمشا ءبىلىم بەرۋ جۇيەسىندەگى جاس باستاۋشى پەداگوگتار ءۇشىن عانا ەمەس، ءبىلىم بەرۋ جۇيەسىندە كوپ جىلدىق تاجىريبەسى بار ماماندار ۇشىندە قۇندى ادەبيەت ەكەنىن اتاپ ءوتتى.
«قازىرگى قوعامنىڭ مىندەتتەرىنىڭ ءبىرى – جاسوسپىرىمدەردى كۇندەلىكتى شىنايى ومىردەگى وزگەرىستەرگە تەز بەيىمدەۋ، ومىرگە يكەمدەۋ. وسى ورايدا ۇسىنىلىپ وتىرعان باعدارلاما جيىنتىعىنىڭ ماقساتى – قازاقستاننىڭ تۇكپىر-تۇكپىرىنەن كەلگەن مەنتاليتەتى مەن الەۋمەتتىك جاعدايى ءارتۇرلى بالالاردىڭ باسىن قوسىپ، جاڭا الەۋمەتتىك قارىم-قاتىناستارعا ەنۋ مەن الەۋمەتتىك رولدەردى وزگەرتە ءبىلۋ ارقىلى ولاردى ءبىر باعىتتا جۇمىلدىرا وتىرىپ، باسەكەگە قابىلەتتى تۇلعا بولىپ قالىپتاسۋىنا الەۋمەتتىك ساۋاتتىلىق، كاسىبى ۇتقىرلىق، تەز شەشىم قابىلداۋ، شىعارماشىلىق بەلسەندىلىك، پسيحولوگيالىق جانە جوعارىەموسيونالدىق ينتەللەكت سياقتى داعدىلاردى جەتىلدىرۋ»، - دەپ جارقىناي بيبولاتوۆنا اتاپ ءوتتى.
"بالداۋرەن" ورتالىعىنىڭ پەداگوگتارى ورتاق ماقساتقا قولجەتكىزۋ ءۇشىن كۇن تارتىبىنەن باستاپ جانە بالانىڭ ءوز پىكىرىن قالىپتاستىرۋعا اسەر ەتەتىن بارلىق ءىس-شارالار بارىسىندا وڭ قارىم-قاتىناستى ۇيىمداستىرۋدى قامتاماسىز ەتەدى. بالالار قىسقا مەرزىمدە جاعىمدى قارىم-قاتىناسقا تۇسەدى جانە بارلىق ءىس-شارالارعا جۇمىلدىرىلىپ، قىسقا مەرزىمدە ادال جانە مىزعىماس دوس تابادى، قاجەتتى، سۇيىكتى ىسىمەن اينالىسا باستايدى. ءوز توبىمەن بىرگە ءبىر ماقساتقا ۇمتىلۋ ارقىلى جەتىستىككە جەتۋ جولىنداعى كەدەرگىلەردەن ءوتىپ، جەتىستىككە جەتەدى، جاۋاپكەرشىلىكتى سەزىنەدى، وسىلاي كوشباسشىلىق قابىلەتتەرى انىقتالادى. ءوزىن-وزى باسقارۋ ۇيىمىنىڭ جۇمىسىنا قاتىسا وتىرىپ، ءجاسوسپىرىم ءوزىنىڭ ساياسي كوزقاراستارىن ءبىلدىرىپ قانا قويماي، ءوزىن كوشباسشى رەتىندە دە كورسەتە الادى. وزىنە ازامات رەتىندە باعا بەرىپ، ورتالىقتا وتكەن بارلىق ءىس-شارالارعا قاتىسۋعا مۇمكىندىك الادى. ءوز ويىن انىق ءبىلدىرۋدى، ءوز كوزقاراسىن ارگۋمەنتتەۋدى ۇيرەنىپ، كوپشىلىك الدىندا ءتيىمدى ءسوز سويلەۋ داعدىسىن قالىپتاستىرادى. وسىلاي، بالالار قوعامدىق ارەكەتتەر بارىسىندا ءوز مۇمكىندىكتەرىن بايقايدى، وزدەرىن تۇلعارەتىندە كورسەتىپ، قوعام ومىرىنە ارالاسۋدى، شىنايى ءومىردى تانۋعا مۇمكىندىك الادى. «وقۋعا قۇشتار بالداۋرەن»، «دەباتقوزعالىستارى»، «مەكتەپ پارلامەنتى»، «بالالار جانە تەاتر» سياقتى جوبالارمەن قاتار كاسىپتىك باعدار بەرۋ، رۋحاني-ادامگەرشىلىك، ازاماتتىق-پاتريوتتىق، كوركەمدىك-ەستەتيكالىق تاربيە جۇمىستارى، ەڭبەك جانە دەنە تاربيەسى جاقسى جولعا قويىلعان.
باعدارلاما بالالاردىڭ بولاشاق داعدىلارىن يگەرۋگە، ولاردىڭجەكە شىعارماشىلىق قابىلەتتەرىن، تۇلعالىق جانە كاسىبيدامۋداعى جەكە كوزقاراستارى مەن ستراتەگيالارىن ءقۇرۋداعىرولىن تۇسىنۋگە ىقپال ەتەرى انىق.
«جىلدار بويى «بالداۋرەندە» وتكىزىلگەن شارالارعا قاراپ، جاناشىر، پىكىرلەس، شىعارماشىل ۇجىمنىڭ قانشاما اۋقىمدىجۇمىستى اتقارعانىن بىلۋگە بولادى. ورتالىقتا قالىپتاسقانۇلكەن تاجىريبەمەن ءبولىسۋ ماقساتىندا وسى جيناقتار جيناقتالدى. بۇل جيناقتار كەشەنى قوسىمشا ءبىلىم بەرەتىن ۇيىمدارعا، ءتۇرلى وقۋ-ساۋىقتىرۋ ورتالىقتارىنا، بولاشاق پەداگوگ ماماندارعا ءبىلىم بەرۋ ءۇشىن تاپتىرماس قۇرال بولا الادىدەپ سانايمىز. بۇل باعىتتاعى شىعارماشىلىق جۇمىس بارىسى بارلىق ءبىلىم بەرۋ مەكەمەلەرىنە وزىندىك كومەگىن تيگىزەر دەپ سەنەمىز»،- دەپ اتاپ ءوتتى ورتالىق ديرەكتورى.