قارۋلى كۇشتەردە وسى ساناتتا 742 ادام بولعان
زاپاستاعى 463 اسكەري قىزمەتشى تۇرعىن ۇيمەن قامتىلدى. بۇل تۋرالى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
«اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭ اياسىندا ەڭبەك ءوتىلى 10-نان اسقان، الايدا 20 جىلعا جەتپەگەن، ياعني دەنساۋلىق جاعدايىنا، قىسقارۋىنا جانە مەرزىمدى جاسقا كەلۋىنە بايلانىستى اسكەري قىزمەتتەن بوساتىلعان اسكەري زەينەتكەرلەر جابىق اسكەري قالاشىقتاعى قىزمەتتىك ءۇي-جايلارىن قازاقستان وڭىرلەرىندەگى تۇرعىن ۇيگە ايىرباستاۋ قۇقىعىن پايدالانا الادى.
ۆەدومستۆو مالىمەتىنشە، قارۋلى كۇشتەردە وسى ساناتتا 742 ادام بولعان، بۇگىنگى تاڭدا ولاردىڭ 463ء-ى باسپاناسىن اۋىستىردى. قالعان 279 اسكەري زەينەتكەرلەرمەن جۇمىس ءالى دە جالعاسادى. قازىرگى ۋاقىتتا 23 ادام الماتى قالاسىنىڭ 79 رازەزىندە سالىنىپ جاتقان «رونا» تۇرعىن ءۇي كەشەنى قۇرىلىسىنىڭ اياقتالۋىن كۇتىپ وتىر.
سونداي-اق، اسكەري پوليسيا وكىلدەرىنىڭ قاتىسۋىمەن تۇرعىن ءۇي قورىنا تەكسەرۋ جۇرگىزىلىپ جاتىر. زاڭسىز تۇراتىن ادامدار انىقتالسا، زاپاسقا شىعارىلعان اسكەري قىزمەتشىلەر اراسىندا قايتا ءبولۋ ءۇشىن تۇرعىن ءۇي-جايلاردى بوساتۋ شارالارى قولدانىلادى.
اسكەري زەينەتكەرلەردىڭ قالعان بولىگىن 2025 جىلدىڭ سوڭىنا دەيىن تۇرعىن ۇيمەن قامتاماسىز ەتۋ جوسپارلانىپ وتىر.