«ەسىك» مەملەكەتتىك تاريحي-مادەني مۋزەي-قورىعىندا ءداستۇرلى ءىىى ەسىك وقۋلارى «ورتالىق ازيانىڭ جازبا ەسكەرتكىشتەرى (اۋدارما جانە ينتەرپرەتاسيالاۋ ماسەلەلەرى)» تاقىرىبىندا حالىقارالىق عىلىمي كونفەرەنسيا ءوتتى، دەپ حابارلايدى Almaty-akshamy.kz.
كونفەرەنسيا جۇمىسىنا قازاقستانمەن قاتار تۇركيا، قىرعىزستان، موڭعوليا، تاجىكستان، وزبەكستان، بەلگيا، رەسەي ەلدەرىنەن 50-گە جۋىق عالىمدار قاتىستى.
«ەسىك» مەملەكەتتىك تاريحي-مادەني مۋزەي-قورىعىندا وتكەن عىلىمي كونفەرەنسيانىڭ پلەنارلىق وتىرىسىنا ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ جەتەكشى عىلىمي قىزمەتكەرى، ف. ع. د. ا. ن. گاركاۆەس.، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، ت. ع. د. د. س. بايقوناقوۆ سىندى عالىمدار قۇتتىقتاۋ ءسوز سويلەپ، عىلىم جولىنا قوسقان مۋزەي-قورىعىنىڭ ەڭبەگىنە ساتتىلىك تىلەدى.
كونفەرەنسيانى اشقان «ەسىك» مەملەكەتتىك تاريحي-مادەني مۋزەي-قورىعىنىڭ ديرەكتورى مۇحتاروۆا گۇلميرا رايىل قىزى قازىرگى تاڭدا مۋزەي-قورىعىندا جاسالىپ جاتقان اۋقىمدى عىلىمي جۇمىستار بارىسىنا توقتالدى. حالىقارالىق عىلىمي-تاجىريبەلىك كونفەرەنسيانىڭ پلەنارلىق وتىرىسىندا ف.ع.د. ي.ا.جەمەنەي، ت. ع. د. ا. ن. پودۋشكين، ت. ع. ك. ع. ءا. جاكەي، ف. ع. د. ا. ق. مەكتەپ-تەگى، سيەۆاستوپول مەملەكەتتىك ۋنيۆەرسيتەتىنىڭ دوسەنتى، ت. ع. ك. س. گ. بوچاروۆ، «ماناس» ۋنيۆەرسيتەتىنىڭ عالىمدارى ت. ع. ك. ك. ش. تابىلدىيەۆ پەن ف.ع.ك.، ت.ك. ابدييەۆ بايانداما وقىدى.
كونفەرەنسيادا ەجەلگى زامان جازۋى، اڭىز، تاڭبا (بەلگى)، سيمۆولدار ءمانى سونداي-اق جازۋ مادەنيەتىن ونەردىڭ سيمۆولى رەتىندە ارحەولوگيالىق، ەتنولوگيالىق، مادەنيەتتانۋ، ونەرتانۋشىلىق تۇرعىدان قاراستىرۋ ماسەلەلەرى سونداي-اق ارحەولوگيالىق قازبا ءجۇمىسىنىڭ ناتيجەلەرى مەن زەرتتەلۋى تالقىلانىپ، تىڭ ويلار ايتىلىپ، تاجىريبەلەرىمەن ءبولىستى.
حالىقارالىق عىلىمي-كونفەرەنسيانىڭ سەكسيالىق وتىرىستاردا «سۋلايمان توو» تاريحي-ارحەولوگيالىق مۋزەي كەشەنى (قىرعىز رەسپۋبليكاسى)، موڭعول-التاي جارتاس سۇلبا سۋرەتتەرى كەشەندى قورىق ورتالىعى (موڭعوليا باي-ولكە)، تاشكەنت قالاسىنداعى كاموليددين بەحزودا اتىنداعى ۇلتتىق ونەر جانە ديزاين ينستيتۋتى (وزبەكستان)، رەسەي عىلىم اكادەمياسىنىڭ ارحەولوگيا ينستيتۋتى، دۋشانبە ۇلتتىق عىلىمي اكادەمياسىنىڭ تاريح، ارحەولوگيا جانە ەتنوگرافيا ينستيتۋتى (تاجىكستان)، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتتەرىنىڭ عالىمدارى مەن زەرتتەۋشىلەرى بايانداما جاسادى.
«ICOMOS قازاقستاندا» قوعامدىق بىرلەستىگى، الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسى، الماتى وبلىستىق تاريحي-مادەني مۇرانى قورعاۋ ورتالىعى، جەتىسۋ وبلىستىق تاريحي-مادەني مۇرانى قورعاۋ جونىندەگى ورتالىقتىڭ ەسكەرتكىشتەردى قورعاۋ جانە قالا قۇرىلىسى ءبولىم ماماندارى، «تاڭبالى» قورىق-مۋزەيىنىڭ قىزمەتكەرلەرىنىڭ قاتىسۋىمەن «ەسكەرتكىشتەردى قورعاۋ ماسەلەلەرى بويىنشا القالى جيىن ءوتتى.
ورتالىق ازيانىڭ جازبا ەسكەرتكىشتەرى ماسەلەلەرى مەن زەرتتەلۋ تاريحى ەشقاشان ءوز ءمانىن جوعالتقان ەمەس. «ەسىك» مۋزەي-قورىعىندا وتكەن حالىقارالىق كونفەرەنسيانىڭ ماڭىزى مەن عىلىميلىعى دا ەرەكشە بولدى.