تۇمان، كوكتايعاق، جەل
سينوپتيكتەر قازاقستاندا 2022 جىلدىڭ 24 قاراشاسىنا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
«قازگيدرومەت» رمك مالىمەتىنشە، رەسپۋبليكانىڭ باسىم بولىگىندە جاڭبىر مەن قار تۇرىندەگى جاۋىن-شاشىن، شىعىستا قار جاۋادى دەپ كۇتىلۋدە.
رەسپۋبليكادا تۇمان، كوكتايعاق كۇتىلەدى، باتىستا، سولتۇستىك-باتىستا، سولتۇستىكتە، وڭتۇستىكتە، وڭتۇستىك-شىعىستا – جەل كۇشەيەدى، قازاقستان رەسپۋبليكاسىنىڭ سولتۇستىگىندە، سولتۇستىك-باتىسىندا – قارلى بوران سوعادى. جەتىسۋ وبلىسىنىڭ سولتۇستىك-شىعىسىندا كوكتايعاق بولادى. سولتۇستىك-شىعىستان سوعاتىن جەلدىڭ كۇشى 15-20، ەكپىنى 23-28 م/س.
استانادا – كوشپەلى بۇلتتى، كۇندىز جاۋىن-شاشىن (كوبىنەسە قار). وڭتۇستىك-شىعىستان سوعاتىن جەل تۇندە 2-7، كۇندىز 9-14 م/س. اۋا تەمپەراتۋراسى تۇندە -12...-14°س، كۇندىز -3...-5°س
الماتىدا كۇن بۇلتتى بولادى، تۇندە ازداعان جاۋىن-شاشىن بولادى (نەگىزىنەن جاڭبىر). تۇندە جانە تاڭەرتەڭ تۇمان. جەل 2-7 م/س. اۋا تەمپەراتۋراسى تۇندە +2...+4°س، كۇندىز +9...+11°س.
شىمكەنتتە – كوشپەلى بۇلت شىعادى، جاۋىن-شاشىنسىز. وڭتۇستىك-شىعىستان 5-10 م/س جەل سوعادى. اۋا تەمپەراتۋراسى تۇندە +5...+7°س، كۇندىز +17...+19°س.