الماتىنىڭ تاۋ بوكتەرىندە سالىنىپ جاتقان تاۋنحاۋس سوت شەشىمىمەن ءسۇرىلىپ جاتىر.
"نۇرلىتاۋ" شاعىناۋدانىندا سالىنىپ جاتقان كوپ قاباتتى ءۇي بۇگىن سوت ورىنداۋشىلارىنىڭ قاتىسۋىمەن سۇرىلە باستادى.
اعىمداعى جىلدىڭ ناۋرىز ايىندا قالا قۇرىلىسىن باقىلاۋ باسقارماسى جۇرگىزگەن جوسپاردان تىس تەكسەرۋ نىساننىڭ زاڭسىز سالىنىپ جاتقانىن انىقتادى. قۇقىقبۇزۋشىلىقتاردى جويۋ تۋرالى ۇيعارىم شىعارىلىپ، نىسان يەسى اكىمشىلىك جاۋاپكەرشىلىككە تارتىلدى.
نۇسقاما مەرزىمىنىڭ وتۋىنە بايلانىستى زاڭ بۇزۋشىلىقتار جويىلماي، وسىعان بايلانىستى ماتەريالدار زاڭسىز تۇرعىزىلعان نىساندى بۇزۋ ءۇشىن بوستاندىق اۋداندىق سوتىنا جولداندى. اۋداندىق سوت نىساندى بۇزۋ تۋرالى وڭ شەشىم شىعارعانىمەن، نىسان يەسى وعان كەرى شاعىمدانعان.
سوت وتىرىسىنىڭ قورىتىندىسى بويىنشا الماتى قالالىق سوتى بوستاندىق اۋداندىق سوتىنىڭ شەشىمىن وزگەرىسسىز قالدىرۋ تۋرالى شەشىم قابىلدادى.