زاتتاردىڭ قۇجاتتارى مەن تاڭبالارى جوق.
قىتايدا تىگىلگەن 98 تون مەن مىڭداعان باسقا دا تاۋارلاردى زاڭسىز الىپ ءوتۋ ارەكەتىنىڭ جولى كەسىلدى، دەپ حابارلايدى Almaty-akshamy.kz
بۇل تۋرالى مالىمدەگەن قازاقستان رەسپۋبليكاسىنىڭ قارجى مينيسترلىگىنىڭ اقپاراتىنا سايكەس، 2022 جىلدىڭ باسىنان بەرى قىرعىزستاننان قازاقستان مەن رەسەيگە حالىق تۇتىناتىن تاۋارلاردىڭ جۇك اعىنى 3 ەسەگە وسكەن.
«سالىقتىق تەكسەرۋ بارىسىندا قىرعىز رەسپۋبليكاسىنىڭ جۇك كولىگىنەن دەكلاراسيالانباعان 3،6 مىڭنان استام قىمبات جانە كوپ سالىق سالىناتىن تاۋارلار تابىلدى. ماسەلەن، وسى جاعدايدا قىتايدا جاسالعان، قۇجاتتارى مەن تاڭبالارى جوق 98 تون تابىلدى»، - دەلىنگەن جۇما كۇنى ق ر قارجى مينيسترلىگى تاراتقان حابارلامادا.
مىندەتتى تاڭبالاۋدىڭ ەنگىزىلۋىنە بايلانىستى تالاپ ەتىلەتىن جونەلتۋ قۇجاتتارىندا اڭ تەرىسىنەن جاسالعان توندار كورسەتىلمەگەن بولىپ شىقتى.
ەسكە سالا كەتەيىك، بۇعان دەيىن ق ر قارجى مينيسترلىگىنىڭ مەملەكەتتىك كىرىستەر كوميتەتى قىرعىزستاننان جالپى قۇنى 1 ملرد تەڭگەدەن اساتىن Apple جانە Samsung كومپانيالارىنىڭ سمارتفوندارى مەن قۇرىلعىلارىن اكەلۋ ارەكەتىنىڭ جولى كەسىلگەنى تۋرالى حابارلاعان بولاتىن.