2014 جىلدان بەرى العاش رەت 90 دوللاردان اسىپ وتىر.
ەتالون ۇلگىدەگى مۇناي باعاسى ءوسىپ كەلەدى، ءبىر كۇن بۇرىن كوتەرىلە باستاعان باعا جۇما كۇنى جالعاسىن تاپتى. ناتيجەسىندە WTI باعا بەلگىلەۋلەرى 2014 جىلدىڭ قازان ايىنان بەرى العاش رەت باررەلىنە 90 اقش دوللارىن قۇرادى، دەپ حابارلايدى Almaty-akshamy.kz Interfax.ru cىلتەمە جاساپ.
لوندوننىڭ ICE Futures بيرجاسىندا جۇما كۇنى ماسكەۋ ۋاقىتىمەن 8:12-دەگى Brent ماركالى مۇنايدىڭ ساۋىردەگى فيۋچەرستەرىنىڭ قۇنى باررەلىنە $91،56 قۇرادى، بۇل الدىڭعى سەسسيانىڭ جابىلۋ باعاسىنان $0،45 (0،49%) جوعارى. بەيسەنبى كۇنگى ساۋدانىڭ ناتيجەسىندە بۇل كەلىسىمشارتتار ءبىر باررەل ءۇشىن $1،64 (1،8%) ءوسىپ، $91،11 قۇرادى.
نيۋ-يورك تاۋار بيرجاسىنىڭ (NYMEX) ەلەكتروندى ساۋداسىندا ناۋرىز ايىنداعى WTI مۇنايىنىڭ فيۋچەرستەرىنىڭ باعاسى وسى ۋاقىتقا دەيىن باررەلىنە $90،92 قۇرايدى، بۇل بەيسەنبى كۇنگى سەسسيانىڭ قورىتىندى قۇنىنان $0،65 (0،72%) جوعارى. ءبىر كۇن بۇرىن بۇل كەلىسىمشارتتاردىڭ قۇنى باررەلىنە $2،01 (2،3%) ءوسىپ، $90،72 قۇرادى.
مۇناي نارىعىنا سۇرانىستىڭ بەلسەندى تۇردە قالىپتاسا باستاۋى اياسىندا ۇسىنىستىڭ ازدىعى اسەر ەتىپ وتىر. شىعىس ەۋروپا مەن تاياۋ شىعىستاعى گەوساياسي شيەلەنىس ۇسىنىستىڭ كوپ بولماۋىنا سەپتىگىن تيگىزىپ وتىر. سونىمەن قاتار وپەك+ ەلدەرىنىڭ كوپشىلىگىنىڭ وسى ۋاقىتقا دەيىن ءوندىرىستى كەلىسىلگەن دەڭگەيگە دەيىن كوتەرە الماي وتىرعاندىعى اسەر ەتىپ وتىر.
سونىمەن قاتار، اقش-تا جاۋعان قالىڭ قار دا مۇناي باعاسىنا قولايلى بولىپ وتىر، سەبەبى اقش-تا ۇيلەر مەن كاسىپورىنداردى جىلىتۋ ءۇشىن جانارمايعا دەگەن سۇرانىسى ارتىپ وتىر.
«اقش-تىڭ ەنەرگەتيكالىق كومپانيالارى سۇرانىستى قاناعاتتاندىرۋ ءۇشىن ءوندىرىستى ۇلعايتا المايدى دەگەن الاڭداۋشىلىق بار»، - دەدى Price Futures Group كومپانياسىنىڭ ساراپشىسى فيل فلينن.