قازاقستان مەن يران اراسىنداعى ءوزارا ساۋدا كولەمى 2021 جىلى 440 ملن دوللاردان استام قارجىنى قۇرادى. بۇل الدىڭعى جىلمەن سالىستىرعاندا شامامەن 85%-عا ارتىق، دەپ حابارلايدى Almaty-akshamy.kz
اقپاراتقا سايكەس، قازاقستان كەلەشەكتە يران نارىعىنا ەكسپورت كولەمىن ۇلعايتۋدى جوسپارلاپ وتىر. سونداي-اق ەكى ەل بيزنەسى اراسىنداعى ديالوگتىڭ تيىمدىلىگىن ارتتىرۋ ماقساتىندا ىسكەرلىك كەڭەس قۇرۋ ماسەلەسى قاراستىرىلۋدا. سونىمەن قاتار ءبىزدىڭ تاراپ قازاقستان-تۇرىكمەنستان-يران تەمىرجول باعىتى بويىنشا قولايلى تاريفتىك جاعدايلار بەلگىلەۋ بارىسىندا ودان ءارى بىرلەسكەن كۇش-جىگەر جۇمساۋدى جانە قازاقستان مەن يران پورتتارى ارقىلى ترانزيتتىك كونتەينەرلىك تاسىمالدى ۇيىمداستىرۋ جۇمىستارىن جۇرگىزۋدى ۇسىنادى. جالپى، قوس مەملەكەت ساۋدا جانە ەكونوميكا، اۋىل شارۋاشىلىعى، ءبىلىم بەرۋ، ءىت جانە تۋريزم سالالارىنداعى ىنتىماقتاستىقتى ءارى قاراي نىعايتۋدى كوزدەيدى.
«جاقىن ارادا تاراپتار وسى ماسەلەلەر جونىندە قوسىمشا ساراپتامالىق كونسۋلتاسيالار وتكىزۋدى جوسپارلاپ وتىر»، – دەپ حابارلادى سالالىق مينيسترلىك.