قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەستىرۋ جاريالاندى.
باس پروكۋراتۋرانىڭ مالىمەتىنشە، ايەل ادام قىلمىس توبىنىڭ قۇرامىندا 2023 جىلى الماتىدا زاڭسىز ويىن بيزنەسىن ۇيىمداستىرىپ، وسى ارەكەتى ءۇشىن اسا ءىرى كولەمدە پايدا تاپقان دەگەن كۇدىككە ىلىنگەن، دەپ حابارلايدى aqshamnews.kz
باس پروكۋراتۋرا مەن قارجى مونيتورينگى اگەنتتىگىنىڭ قىزمەتكەرلەرى قازاقستان رەسپۋبليكاسى ەلشىلىگىنىڭ كومەگىمەن زاڭسىز ويىن بيزنەسىن ۇيىمداستىرعانى ءۇشىن قىلمىستىق جاۋاپكەرشىلىككە تارتىلعان قازاقستان ازاماتىن ءازىربايجاننان ەكستراديسيالادى.
اتالعان تۇلعا 2023 جىلى الماتى قالاسىندا ادامدار توبىنىڭ الدىن الا ءسوز بايلاسۋىمەن زاڭسىز ويىن بيزنەسىن ۇيىمداستىرىپ، سول ءۇشىن اسا ءىرى كولەمدە پايدا تاپتى دەگەن كۇدىككە ىلىنگەن.
اعىمداعى جىلدىڭ قاڭتارىندا ول باكۋ قالاسىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
قازىرگى ۋاقىتتا كۇدىكتى الماتى قالاسىنىڭ تەرگەۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكى تاركىلەنىپ، ءتورت جىلدان جەتى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.