باس پروكۋراتۋرا وكىلى زاڭسىز ميتينگ ۇيىمداستىرىپ، وعان قاتىسقاندار جازالاناتىنىن ەسكەرتتى.
باس پروكۋروردىڭ ورىنباسارى جاندوس ومىرالييەۆ «پروكۋراتۋرا تۋرالى» كونستيتۋسيالىق زاڭنىڭ 40-بابى تارتىبىندە ۇندەۋ جاسادى، دەپ حابارلايدى اlmaty-akshamy.kz ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
«الەۋمەتتىك جەلىلەردە 2023 جىلعى 9 ساۋىردە رۇقسات ەتىلمەگەن ميتينگىلەردى وتكىزۋگە جانە قاتىسۋعا شاقىرۋلار تاراتىلۋدا. باس پروكۋراتۋرا مۇنداي اكسيالاردى ۇيىمداستىرعانى جانە قاتىسقانى ءۇشىن زاڭمەن بەلگىلەنگەن جاۋاپتىلىق تۋرالى بىرنەشە رەت ەسكەرتتى»، دەپ مالىمدەدى جاندوس ومىرالييەۆ.
«قوعامدىق ءتارتىپتى، حالىقتىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ، ازاماتتاردىڭ قۇقىقتارى مەن بوستاندىقتارىن ساقتاۋ - ءبىزدىڭ باستى باسىمدىقتارىمىز.
سوندىقتان «قازاقستان رەسپۋبليكاسىندا بەيبىت جينالىستاردى، ميتينگىلەردى، شەرۋلەردى، پيكەتتەر مەن دەمونستراسيالاردى ۇيىمداستىرۋ جانە وتكىزۋ ءتارتىبى تۋرالى» زاڭنىڭ نورمالارىن ساقتاۋ قاجەتتىلىگىنە جانە ولاردى بۇزۋعا جول بەرمەۋگە تاعى دا نازار اۋدارامىز.
بۇقارالىق جاريا ءىس-شارالار الدىن الا حاباردار ەتۋمەن جانە وسى ءۇشىن ارنايى بولىنگەن ورىنداردا جەرگىلىكتى اتقارۋشى ورگانداردىڭ رۇقساتىن الۋمەن حالىقتىڭ تىرشىلىگىن قامتاماسىز ەتۋ وبەكتىلەرىنىڭ قالىپتى جۇمىس ىستەۋىنە كەدەرگىلەردى بولدىرمايتىن شارالاردى قابىلداي وتىرىپ، جۇرگىزىلۋگە ءتيىس.
كورسەتىلگەن نورمالار ساقتالماعان جاعدايدا، كەز كەلگەن جاريا شاقىرۋلار زاڭسىز دەپ تانىلادى. قۇقىق بۇزۋشىلارعا قاتىستى قۇقىق قورعاۋ ورگاندارى اكىمشىلىك جانە قىلمىستىق-قۇقىقتىق شارالار قابىلدايتىن بولادى.
اتاپ ايتقاندا، زاڭ تالاپتارىن (3-باپتىڭ 3-تارماعى) بۇزا وتىرىپ وتكىزىلەتىن ميتينگىلەردى، شەرۋلەردى، جينالىستاردى نەمەسە دەمونستراسيالاردى ۇيىمداستىرۋ جانە ولارعا قاتىسۋ قۇقىققا قايشى بولىپ تابىلادى جانە اكىمشىلىك قۇقىقبۇزۋشىلىق تۋرالى كودەكستىڭ 488-بابى بويىنشا 25 تاۋلىككە قاماققا الۋعا دەيىن اكىمشىلىك جاۋاپتىلىققا اكەپ سوعادى.
وسى ارەكەتتەردىڭ ناتيجەسىندە ەلەۋلى زالال كەلتىرگەنى ءۇشىن كىنالىلەر قىلمىستىق كودەكستىڭ 400-بابى بويىنشا ايىپپۇل نە 200 ايلىق ەسەپتىك كورسەتكىش مولشەرىندە تۇزەۋ جۇمىستارى نەمەسە 200 ساعاتقا دەيىنگى مەرزىمگە قوعامدىق جۇمىستارعا تارتۋ نە 50 تاۋلىككە دەيىنگى مەرزىمگە قاماققا الۋ تۇرىندە قىلمىستىق جاۋاپتىلىققا تارتىلاتىن بولادى.
وسىعان بايلانىستى، باس پروكۋراتۋرا قولدانىستاعى زاڭنامانىڭ نورمالارىن مۇلتىكسىز ساقتاۋعا، ارانداتۋشىلىققا بەرىلمەۋگە جانە زاڭسىز اكسيالاردى ۇيىمداستىرۋدان جانە ولارعا قاتىسۋدان، سونداي-اق ولارعا جاريا تۇردە شاقىرۋدان باس تارتۋعا شاقىرادى»، - دەلىنگەن باس پروكۋراتۋرا وكىلىنىڭ ۇندەۋىندە.