بۇل ماچ جاڭا شاحمات پاتشاسىنىڭ ەسىمىن انىقتايدى.
7 ءساۋىر مەن 1 مامىر ارالىعىندا ەلوردادا شاحماتتان الەم چەمپيوناتى وتەدى. وندا الەم چەمپيونى اتاعى ءۇشىن يان نەپومنياششيي (فيدە) مەن دين ليجەن (قحر) ب ا ق سىنايدى. كەشە Astana Ballet تەاترىندا چەمپيوناتتىڭ سالتاناتتى اشىلۋ ءراسىمى ءوتتى، دەپ حابارلايدى اlmaty-akshamy.kz.
ءدۇبىرلى دودا ءۇشىن قازاقستان استاناسىنا الەمنىڭ تۇكپىر-تۇكپىرىنەن تانىمال شاحماتشىلار، حالىقارالىق شاحمات فەدەراسياسىنىڭ وكىلدەرى كەلدى. يان نەپومنياششيي (2793) مەن دين ليجەن (2788) فيدە الەمدىك رەيتينگىندە ەكىنشى جانە ءۇشىنشى ورىنداردا تۇر.
ءتۋرنيردىڭ سالتاناتتى اشىلۋ راسىمىندە قازاقستان رەسپۋبليكاسىنىڭ جانە حالىقارالىق شاحمات فەدەراسياسىنىڭ ءانۇراندارى قاتار شىرقالدى. اسەرلى قازاق مۋزىكاسى، LED-ەكرانداعى ەلىمىزدىڭ اسەم تابيعاتى تۋرالى روليكتەر، قازاق باتىرلارىنىڭ ونەر كورسەتۋى بۇل الەمدىك وقيعانىڭ قازاقستاندا ءوتىپ جاتقانىن ايشىقتاي ءتۇستى.
ايتۋلى كەشكە حالىقارالىق شاحمات فەدەراسياسىنىڭ پرەزيدەنتى اركاديي دۆوركوۆيچ، قازاقستان شاحمات فەدەراسياسىنىڭ پرەزيدەنتى تيمۋر تۋرلوۆ، شاحماتتان الەم چەمپيوندارى، گروسسمەيستەرلەر قاتىستى.
ايتا كەتەيىك، ءتۋرنيردىڭ باس سەرىكتەسى جانە ۇيىمداستىرۋشىسى – Freedom Holding Group، كومپانيا 2 ملن ەۋرو كولەمىندە جۇلدە قورىن تولىق قامتاماسىز ەتۋدە.
بۇل ماچ جاڭا شاحمات پاتشاسىنىڭ ەسىمىن انىقتايدى.