تۋريزم جانە سپورت مينيسترلىگى زاڭسىز لوتەرەيا قىزمەتىن انىقتاۋ جانە توسقاۋىل قويۋ بويىنشا بەلسەندى جۇمىستى جالعاستىرۋدا. بيىل جىل باسىنان بەرى زاڭسىز لوتەرەيا ۇيىمداستىراتىندارعا قاتىستى 103 اكىمشىلىك حاتتاما تولتىرىلدى. سوت تالقىلاۋى ناتيجەسىندە 48 جەكە تۇلعا جاۋاپقا تارتىلىپ، قالعان ىستەردى قاراۋ جالعاسىپ جاتىر، دەپ حابارلايدى aqshamnews.kz
زاڭسىز ينتەرنەت-كازينولارمەن جانە بۋكمەكەرلىك كەڭسەلەرمەن كۇرەس اياسىندا ءتۇرلى ۆەدومستۆولار باس پروكۋراتۋرامەن، قارجى مونيتورينگى اگەنتتىگىمەن جانە ىشكى ىستەر مينيسترلىگىمەن بىرلەسىپ، زاڭسىز قىزمەت بەلگىلەرى بار 11 417 ينتەرنەت-رەسۋرستى انىقتادى. ونىڭ ىشىندە 6 639 رەسۋرس بۇعاتتالدى، 1 237ء-سى وڭدەۋ ساتىسىندا، 1 961ء-ى قولجەتىمسىز، 1 353 رەسۋرستا قۇقىق بۇزۋشىلىق بەلگىلەرى جوق، ال 227ء-سىن مەملەكەتتىك تەحنيكالىق قىزمەت پيلوتتىق رەجيمدە بۇعاتتادى.
تۋريزم جانە سپورت مينيسترلىگى ازاماتتاردىڭ قۇقىقتارىن قورعاۋدى جانە ونلاين-قىزمەتتەر نارىعىندا ءتارتىپتى قامتاماسىز ەتۋدى جالعاستىرىپ، اتالعان سالاداعى زاڭسىز قىزمەتتەردىڭ مونيتورينگى مەن توسقاۋىل قويۋعا تىرىسادى.
زاڭسىز لوتەرەيا قىزمەتى مەن ينتەرنەت-كازينوعا قارسى كۇرەستە 6 639 رەسۋرس بۇعاتتالدى
- اۆتور aqshamnews.kz
- 12:21، 05 قىركۇيەك 2024
سۋرەت: Dubna.ru