اۆتوبۋستارداعى جارناما ماتەريالدارىنا قاتىستى قالالىق موبيلدىلىك باسقارماسىنىڭ اقپاراتى
سوڭعى كەزدەرى الماتىداعى قوعامدىق كولىكتەردە ءتۇرلى جارنامالاردى ورنالاستىرۋ جيىلەپ كەتتى. اتاپ ايتقاندا، مۇنداي فاكتىلەر №141، 47، 50، 85، 112، 63، 120، 121 باعىتتاردا تىركەلدى.
كەلىسىلمەگەن جارناما ءماتىنىن اۆتوبۋس جانە تروللەيبۋس سالوندارىندا جاريالاۋ سۋبسيديالاۋ كەلىسىمشارتىنىڭ تالاپتارىنا ساي كەلمەيدى. سوندىقتان قالالىق موبيلدىلىك باسقارماسى مۇنداي جارنامالاردىڭ انىقتالسا، وندا تاسىمالداۋشى كومپانيالارعا ەسكەرتۋلەر جىبەرەتىن بولادى.
قالالىق موبيلدىلىك باسقارماسى ماماندارى تاسىمالداۋشى كومپانيا قىزمەتكەرلەرىمەن بىرلەسە وتىرىپ وسىنداي زاڭ بۇزۋشىلىقتاردى انىقتاۋ جانە جويۋ بويىنشا رەيد شارالارىن ۇيىمداستىرادى.
باسقارما تاراپىنان تاسىمالداۋشى كومپانيالارعا كولىكتەردەگى جارناما ىلىنەتىن ساڭىلاۋلاردى بىتەپ تاستاۋ تۋرالى تاپسىرما بەرىلدى.