اقپان ايىنان باستاپ ەل اۋماعىندا «قارۋ» جەدەل الدىن الۋ ءىس-شاراسى ءوتىپ جاتىر.
ەلىمىزدە «قارۋ» جەدەل پروفيلاكتيكالىق شاراسى اياسىندا زاڭسىز اينالىمنان 1 113 قارۋ جانە 8 مىڭنان استام پاترون تاركىلەندى، دەپ حابارلايدى Almaty-akshamy.kz
«بيىل اقپان ايىنان باستاپ ەل اۋماعىندا «قارۋ» جەدەل الدىن الۋ ءىس-شاراسى ءوتىپ جاتىر. ماقسات - قارۋدى قولدانۋ ارقىلى جاسالاتىن قىلمىستاردىڭ الدىن الۋ. پوليسيا ورگاندارىندا 235 مىڭعا جۋىق ازاماتتىق قارۋ يەلەرى مەن 2 مىڭنان استام قىزمەتتىك قارۋ سۋبەكتىلەرى ەسەپتە تۇر. قابىلدانعان شارالاردىڭ ناتيجەسىندە زاڭسىز اينالىمنان 1 113 بىرلىك اتىس قارۋى، سونداي-اق ويىق قارۋدىڭ 8 مىڭنان استام پاتروندارى تاركىلەندى»، - دەدى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك.
جەدەل الدىن الۋ شاراسى اياسىندا پوليسيا قىزمەتكەرلەرى 2،5 مىڭعا جۋىق زاڭدى تۇلعانى، 92 قارۋ-جاراق ساتاتىن دۇكەن مەن 76 مىڭنان استام شارۋا قوجالىقتى تەكسەردى.
«سونىمەن قاتار 224 مىڭنان استام ازاماتتىق قارۋ يەلەرى تۇرعىلىقتى جەرى بويىنشا تەكسەرىلدى. ناتيجەسىندە 5 مىڭنان استام قۇقىق بۇزۋشىلىق انىقتالدى. قارۋدى زاڭسىز ساقتاعانى جانە الىپ جۇرگەنى ءۇشىن قىلمىستىق جاۋاپكەرشىلىكتى كوزدەيتىن 379 ماتەريال تىركەلىپ، 579 ازامات اكىمشىلىك جاۋاپكەرشىلىككە تارتىلدى»، - دەيدى ول.
سونداي-اق، مينيسترلىك وكىلى قارۋ مەن وق-دارىلەردى زاڭسىز ساقتاعانى ءۇشىن قىلمىستىق جانە اكىمشىلىك جاۋاپكەرشىلىكتىڭ بارىن ەسكە سالدى.
«زاڭسىز ساقتالعان قارۋدى، وق-دارىلەردى جانە جارىلعىش زاتتاردى ءوز ەركىمەن تاپسىرعان ادامدار، ەگەر ولاردىڭ ارەكەتتەرىندە وزگە قىلمىستار بولماسا، جاۋاپكەرشىلىكتەن بوساتىلادى. وسىعان بايلانىستى ىشكى ىستەر مينيسترلىگى ازاماتتاردى زاڭسىز ساقتالعان قارۋدى، وق-دارىلەردى، جارىلعىش زاتتاردى جانە ارنايى قۇرالداردى ءوز ەركىمەن تاپسىرۋعا شاقىرادى»، - دەيدى وكىل.