بۇدان بولەك، مەكتەپ جانىنداعى لاگەر ۇيىمداستىرىلادى.
بيىل 3 مىڭ الەۋمەتتىك تۇرمىسى تومەن جانە كوپ بالالى وتباسىنىڭ بالالارى ساۋىقتىرۋ لاگەرلەرىندە تەگىن دەمالاتىن بولادى، دەپ حابارلايدى Almaty-akshamy.kz.
«بيىل الەۋمەتتىك تۇرمىسى تومەن، كوپ بالالى وتباسىلاردىڭ بالالارى، ەرەكشە ءبىلىم الۋدى قاجەت ەتەتىن جانە اتا-اناسىنىڭ قامقورلىعىنسىز قالعان بالالار - بارلىعى 3 مىڭنان استام وقۋشىنى قالا سىرتىنداعى تەگىن جازعى لاگەرمەن قامتۋ جوسپارلانۋدا. قازىرگى ۋاقىتتا بالالاردىڭ جازعى دەمالىسىن ۇيىمداستىرۋ ءۇشىن تەحنيكالىق سپەسيفيكاسيا ازىرلەنىپ، كونكۋرس جاريالاندى. ەرەكشە ءبىلىم بەرۋ قاجەتتىلىكتەرى بار بالالارعا ارنالعان پسيحوفيزيكالىق ەرەكشەلىكتەرىن ەسكەرەتىن تەحنيكالىق سپەسيفيكاسيا دا دايىندالدى»، - دەدى قالالىق اكىمدىكتەن.