ۇستەمە اقى الۋ زاڭسىز
كافە، رەستوران، قوعامدىق تاماقتانۋ ورىندارىندا قىزمەتى ءۇشىن ۇستەمە اقى الۋى زاڭدى ما؟
سابينا احمەتوۆا، زاڭگەر:
- كافە، رەستوران، قوعامدىق تاماقتانۋ ورىندارىندا قىزمەتى ءۇشىن پايىزبەن اقشا الۋى زاڭ تالاپتارىن بۇزۋ بولىپ ەسەپتەلەدى. مەكەمە (مەيرامحانا، ءدامحانا جانە ت.ب.) قىزمەت كورسەتۋ ءۇشىن قوسىمشا جۇكتەمەنى الا المايدى. كافەلەر مەن مەيرامحانالاردا تۇتىنۋشىلارعا داياشى قىزمەتىن كورسەتۋ وسى ساناتتاعى قوعامدىق تاماقتانۋ وبەكتىلەرىنىڭ مىندەتتى شارتى بولىپ تابىلادى. قازاقستان رەسپۋبليكاسى ساۋدا جانە ينتەگراسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ 2013 جىلعى №30389 مەملەكەتتىك ستاندارتىنا سايكەس، قوعامدىق تاماقتاندىرۋ ورىندارى زاڭدى مەكەمە بولعاندىقتان، داياشىلاردىڭ ايلىعى مەكەمە قىزمەتىنىڭ ىشىندە قوسۋلى بولۋى ءتيىس. دەمەك، ولاردىڭ سىزدەن 10 پايىز ۇستەمە الۋى زاڭسىز جانە تۇتىنۋشىنىڭ زاڭدى قۇقىعىن بۇزۋ بولىپ ەسەپتەلەدى.