جانات جاقمەتوۆا ەنەرگەتيكا ۆيسە-مينيسترى قىزمەتىنەن بوساتىلدى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
«ق ر ۇكىمەتىنىڭ قاۋلىسىمەن جانات زارۋبەك قىزى جاقمەتوۆا بەرگەن وتىنىشىنە سايكەس ق ر ەنەرگەتيكا ۆيسە-مينيسترى قىزمەتىنەن بوساتىلدى»، - دەلىنگەن حابارلامادا.
جانات جاحمەتوۆا 1986 جىلى جەزقازعان قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن، ءو.ا. بايقوڭىروۆ اتىنداعى جەزقازعان ۋنيۆەرسيتەتىن جانە ابەردين ۋنيۆەرسيتەتىن بىتىرگەن. ەڭبەك جولىن 2009 جىلى «ۇلتتىق ساراپتاما جانە سەرتيفيكاتتاۋ ورتالىعى» اق سىناق زەرتحاناسىنىڭ جەتەكشى مامانى بولىپ باستاعان.
2014-2016 جىلدارى – ق ر ينۆەستيسيالار جانە دامۋ مينيسترلىگى بايلانىس، اقپاراتتاندىرۋ جانە اقپارات كوميتەتى اقپاراتتاندىرۋ سالاسىنداعى مەملەكەتتىك ساياساتتى قالىپتاستىرۋ باسقارماسىنىڭ باسشىسى.
2016-2020 جىلدارى – ق ر اقپارات جانە كوممۋنيكاسيالار مينيسترلىگى اقپاراتتاندىرۋ دەپارتامەنتى ديرەكتورىنىڭ ورىنباسارى.
2020 جىلعى اقپان ايىنان باستاپ قازىرگى ۋاقىتقا دەيىن ق ر ەنەرگەتيكا ۆيسە-مينيسترى قىزمەتىن اتقارعان.