الماتى اكىمى ەربولات دوسايەۆتىڭ تاپسىرماسى بويىنشا ستيحيالىق ساۋداعا قارسى كۇرەس جانە مەملەكەتتىك قوردىڭ جەرىندە زاڭسىز ورناتىلعان ستاسيونارلىق ەمەس ساۋدا نىساندارىن (بۇدان ءارى – سسن) جويۋ ماقساتىندا قالانىڭ كاسىپكەرلىك جانە ينۆەستيسيالار باسقارماسى ستاسيونارلىق ەمەس ساۋدا نىساندارىن جاپپاي بولشەكتەۋ جۇمىستارىن باستادى، دەپ حابارلايدى aqshamnews.kz
قالانىڭ بارلىق اۋداندارىندا ارنايى جۇمىس كوميسسيالارى قۇرىلدى، ولاردىڭ قۇرامىنا مەملەكەتتىك ورگانداردىڭ، الماتى قالاسى پوليسيا دەپارتامەنتىنىڭ وكىلدەرى، ءماسليحات دەپۋتاتتارى، قوعامدىق كەڭەسءتىڭ جانە ق ر «اتامەكەن» ۇكپ مۇشەلەرى كىردى.
ەكى كۇن ىشىندە 21 زاڭسىز نىسان بولشەكتەلگەن. ماسەلەن، اۋەزوۆ اۋدانىندا اباي داڭعىلىنىڭ بويىنداعى 4-شاعىناۋداندا 2 ساۋدا نۇكتەسى بولشەكتەلدى، ولار كونديتەرلىك ونىمدەر مەن كوشە تاعامدارىن ساتۋمەن اينالىسقان. بۇل رەتتە وبەكتىلەر سۋمەن جابدىقتاۋعا جانە سۋ بۇرۋعا قولجەتكىزە الماعان ءارى ەلەكتر جەلىلەرىنە رۇقسات قۇجاتتارىنسىز وزدەرى قوسىلعان.
كوكجيەك شاعىناۋدانىندا كوكونىستەر مەن نان ونىمدەرىن ساتۋمەن اينالىسقان زاڭسىز ورناتىلعان ستاسيونارلىق ەمەس ساۋدا نۇكتەلەرى دە بولشەكتەلدى. ونىڭ اينالاسى اباتتاندىرىلماعان، بۇل جەرگىلىكتى تۇرعىندارعا قولايسىزدىق تۋدىردى.
كوپتەگەن كاسىپكەرلەر مەن تۇرعىندار مۇنداي شارالاردى قولداپ، بارلىق سانيتارلىق نورمالار مەن قاۋىپسىزدىك ەرەجەلەرىن ساقتاۋ قاجەتتىگىن اتاپ ءوتتى. اۋەزوۆ اۋدانىنىڭ تۇرعىنى لاريسا مەرعالييەۆا زاڭسىز ساۋدا نىساندارىن بۇزۋدى قولدايتىنىن اتاپ ءوتتى.
«زاڭسىز ساۋدا نۇكتەلەرىنىڭ ينجەنەرلىك جەلىلەرگە قوسىلۋعا زاڭدى نەگىزى جوق، كەيبىرەۋلەرىندە ءتىپتى سۋ جوق. بۇل ساتۋدىڭ سانيتارلىق جاعدايىنا دا اسەر ەتەدى. ولار زاڭسىز جۇمىس ىستەيتىندىكتەن، سانيتارلىق-ەپيدەميولوگيالىق قاداعالاۋدان دا تىس قالعان ءارى بۇل دا ءقاۋىپتى. سوندىقتان مۇنداي نىسانداردى بۇزۋ كەرەك»، - دەدى ول.
كاسىپكەرلەر سونداي-اق قىزمەتتى زاڭدى نەگىزدە جۇزەگە اسىرۋ قاجەت دەپ سانايدى.
«قالادا وركەنيەتتى، زاڭدى ساۋدانى ۇيىمداستىرۋ ماسەلەسى باياعىدا باياعىدان بەرى ايتىلىپ كەلەدى. سوندىقتان ءقازىر وسى باعىتتا قاجەتتى شارالاردى قابىلداي باستاعانىمىز جاقسى. الماتى-ەلىمىزدەگى ەڭ ءىرى ساۋدا ورتالىقتارىنىڭ ءبىرى. وسى تۇرعىدان العاندا، مەگاپوليستەگى بارلىق ساۋدا نۇكتەلەرىنىڭ زاڭ بويىنشا بارلىق تالاپتاردى ورىنداي وتىرىپ، تەك زاڭدى نەگىزدە جۇمىس ىستەۋى ماڭىزدى»، - دەپ اتاپ ءوتتى كاسىپكەر ءمولدىر جۇماشيەۆا.
بولشەكتەۋ پروسەسىندە ينجەنەرلىك كوممۋنيكاسيالىق جەلىلەردەن، ەلەكتر جانە سۋمەن جابدىقتاۋدان اجىراتۋ كوزدەلگەن. قالالىق پوليسيا دەپارتامەنتى اۋدان اكىمدىكتەرىمەن بىرلەسىپ، بولشەكتەۋ ورنىندا قوعامدىق ءتارتىپ پەن قاۋىپسىزدىكتى قامتاماسىز ەتۋدە.
ەسكە سالساق، الماتى قالاسى اكىمدىگىنىڭ 2024 جىلعى 27 تامىزداعى №3/469 «الماتى قالاسىنىڭ اۋماعىندا ستاسيونارلىق ەمەس ساۋدا نىساندارىن ورنالاستىرۋ ورىندارىن بەلگىلەۋ جانە بەكىتۋ تۋرالى» قاۋلىسىنا سايكەس قالادا 157 ستاسيونارلىق ەمەس ساۋدان نىساندارىن ورنالاستىرۋ ءۇشىن 142 ورىن بەكىتىلگەن. ستاسيونارلىق ەمەس ساۋدا نىساندارىندا زاڭدى نەگىزدە قىزمەتىن جالعاستىرۋعا نيەت بىلدىرگەن كاسىپكەرلەر الماتى قالاسى كاسىپكەرلىك جانە ينۆەستيسيالار باسقارماسىنىڭ ساۋدا بولىمىنە 390 21 30 تەلەفونى بويىنشا جۇگىنە الادى.