قىتايدىڭ شىڭجاڭ ۇيعىر اۆتونومدىق اۋدانىندا تاعى دا جەر سىلكىنىسى بولدى. بۇل جولى جەراستى دۇمپۋلەرى كۋچا قالاسىنىڭ ماڭىندا تىركەلدى. بۇل تۋرالى Aqshamnews.kz سايتى حابارلايدى.
قىتايدىڭ سەيسمولوگيالىق ورتالىعىنىڭ مالىمەتىنشە، ءزىلزالا ءبىر كۇن ىشىندە ەكى رەت قايتالانعان. جەراستى دۇمپۋلەرى 10 شاقىرىم تەرەڭدىكتە ورىن العان، ال ونىڭ ماگنيتۋداسى 5 باللعا دەيىن جەتكەن. جەر سىلكىنىسىنىڭ ءدۇمپۋى ەلدىڭ سولتۇستىك-باتىسىنداعى بىرنەشە قالادا ايقىن سەزىلگەن.
قازىرگى ۋاقىتتا تابيعي اپات ايماعىنا توتەنشە جاعدايلار قىزمەتىنىڭ ماماندارى مەن جەدەل قۇتقارۋ جاساقتارى جىبەرىلدى. ولار اپاتتىڭ سالدارىن انىقتاپ، قاجەتتى قۇتقارۋ جانە كومەك كورسەتۋ جۇمىستارىن جۇرگىزۋدە.
زارداپ شەككەندەر مەن جاراقات العاندار تۋرالى رەسمي اقپارات ازىرگە جاريالانعان جوق. جەرگىلىكتى بيلىك پەن قۇتقارۋ قىزمەتتەرى جاعدايدى باقىلاۋدا ۇستاپ وتىر.