بۇگىن قازاقستان رەسپۋبليكاسى ءماجىلىسىنىڭ جالپى وتىرىسىندا تج ءمينيسترى گەنەرال-مايور شىڭعىس ءارىنوۆ «اازاماتتىق قورعاۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىن ۇسىندى.
تجم باسشىسى قاۋىپسىزدىك شارالارىن كۇشەيتۋگە جانە ازاماتتىق قورعاۋ جۇيەسىنىڭ تيىمدىلىگىن ارتتىرۋعا باعىتتالعان نەگىزگى وزگەرىستەردى باياندادى، دەپ حابارلايدى aqshamnews.kz.
بيىكتىگى 28 مەتردەن اساتىن عيماراتتار مەن ادامدار جاپپاي جينالاتىن وبەكتىلەردى پايدالانۋعا بەرۋ كەزىندە ءورت قاۋىپسىزدىگى تالاپتارىنا سايكەستىگى تۋرالى قورىتىندى بەرۋ وكىلەتتىگى بەرىلەدى.
ورتتەن قورعاۋ جۇيەلەرىن ورناتۋ بويىنشا قىزمەت كورسەتەتىن ۇيىمدارعا جەكەلەگەن تالاپتار قويىلادى: ولاردىڭ ءتيىستى بىلىمدەرى مەن قاجەتتى جابدىقتارى بولۋ كەرەك. ءورت سالدارىنان ءۇشىنشى تۇلعالارعا زيان كەلتىرىلگەن جاعدايدا، ادامدار جاپپاي جينالاتىن وبەكتىلەردى ساقتاندىرۋ جۇيەسى ەنگىزىلۋدە.
مينيسترلىك جابدىقتىڭ توزۋىنا بايلانىستى اپاتتاردىڭ الدىن الۋ ءۇشىن ءقاۋىپتى وندىرىستىك وبەكتىلەردى جاڭارتۋ مەن تەحنيكالىق قايتا جاراقتاندىرۋدىڭ جيىنتىق جوسپارلارىن كەلىسەتىن بولادى.
كاسپييدە تەڭىز مۇناي وپەراسيالارىن جۇرگىزەتىن ينفراقۇرىلىم وبەكتىلەرىنىڭ قاۋىپسىزدىگىن قامتاماسىز ەتەتىن «مۇنايدىڭ توگىلۋىن جويۋ بويىنشا ۋاكىلەتتى ورگاننىڭ تەڭىز ۇيىمى ۇعىمى» ەنگىزىلۋدە.
تجم اۋماقتىق ورگاندارىن تج جاعدايىندا جەدەل دەن قويۋ ءۇشىن جەتۋى قيىن اۋداندارداعى تۋريستەردىڭ ءجۇرىپ-تۇرۋ مارشرۋتتارى تۋرالى حاباردار ەتۋ ءتارتىبى ايقىندالعان.
تۋريستەردىڭ قاۋىپسىزدىگىن ارتتىرۋ جانە ىزدەستىرۋ-قۇتقارۋ وپەراسيالارىن جۇرگىزۋدى جەڭىلدەتۋ ءۇشىن شارالار بەلگىلەندى.
سەيسميكالىق ءقاۋىپتى باعالاۋ مەن حالىقتى قورعاۋدى قوسا العاندا، سەيسميكالىق قاۋىپسىزدىك جونىندەگى ءىس-شارالاردى رەتتەيتىن جاڭا تاراۋ ەنگىزىلۋدە. مينيسترلىك سەيسميكالىق، سەل جانە قار كوشكىنى ءقاۋپىن ەسكەرە وتىرىپ، قالا قۇرىلىسى جوبالارىن كەلىسەتىن بولادى.
ازاماتتىق قورعانىستىڭ قورعانىس قۇرىلىستارىن قۇقىقتىق كاداستردا تىركەۋ ەنگىزىلۋدە. «ەڭ قاراپايىم جاسىرىن پانالار» (جەراستى پاركينگتەرى مەن جەرتولەلەر) دەگەن جاڭا ۇعىم ەنگىزىلۋدە، ولار تج كەزىندە حالىقتى قورعاۋ ءۇشىن قايتا جابدىقتالادى.
جاھاندىق جانە وڭىرلىك تج-عا ءتيىمدى دەن قويۋ ءۇشىن ورتالىق جانە جەرگىلىكتى بيلىك ورگاندارىنىڭ ءىس-قيمىلدارىن ۇيلەستىرەتىن تۇراقتى جۇمىس ىستەيتىن جەدەل شتاب قۇرىلادى. جەرگىلىكتى بيلىك ورگاندارى وبەكتىلىك اۋقىمداعى تج جاريالاي الادى جانە دالا ورتتەرىن (ججم، تاماقتانۋ، مەديسينالىق كومەك) ءسوندىرۋ ءۇشىن ماتەريالدىق-تەحنيكالىق جاراقتاندىرۋدى قامتاماسىز ەتە الادى. ولار سونداي-اق حالىقتى توتەنشە جاعدايلارداعى ءىس-قيمىلدارعا دايىنداۋ ءۇشىن وقۋ ورتالىقتارىن جاراقتاندىرۋعا قاتىساتىن بولادى.
قىزمەت بويىنشا كوشكەنى ءۇشىن تۇرعىن ءۇي تولەمدەرى مەن وتەماقىلار ەنگىزىلەدى. قيىن جاعدايلاردا، تج جانە توتەنشە جاعداي ايماقتارىندا جۇمىس ىستەگەنى ءۇشىن، سونداي-اق شالعاي وڭىرلەردە قىزمەت ەتكەنى ءۇشىن ۇستەمەاقى كوزدەلگەن. قىزمەتكەرلەردى كازارمالىق جاعدايدا تاماقپەن قامتاماسىز ەتۋ، كارانتيندىك ءىس-شارالارعا قاتىسۋ جانە ساناتوريي-كۋرورتتىق ەمدەۋ. بۇل شارالار الەۋمەتتىك جاعدايلاردى جاقسارتۋعا جانە بىلىكتى كادرلاردى تارتۋعا باعىتتالعان.
ەرىكتىلەر ءۇشىن ماتەريالدىق ىنتالاندىرۋ شارالارى قاراستىرىلعان: جاراقات العان نەمەسە قايتىس بولعان جاعدايدا تولەمدەر، جالاقىنى ساقتاۋ جانە ءورتتى سوندىرۋگە قاتىسۋ كەزەڭىندە نەگىزگى جۇمىستان بوساتۋ.
«زاڭ جوباسىنىڭ ماقساتى - ءورت جانە ونەركاسىپتىك قاۋىپسىزدىكتى قامتاماسىز ەتۋگە، سونداي-اق حالىق پەن اۋماقتى توتەنشە جاعدايلاردان قورعاۋعا باعىتتالعان زاڭنامانى جەتىلدىرۋ.ەنگىزىلگەن وزگەرىستەر توتەنشە جاعدايلاردىڭ تۋىنداۋ ءقاۋپىن ازايتىپ قانا قويماي، ازاماتتىق قورعاۋ قىزمەتكەرلەرىنىڭ الەۋمەتتىك جاعدايلارىن جاقسارتۋعا مۇمكىندىك بەرەدى، بۇل ەلىمىزدىڭ ءاربىر تۇرعىنىنىڭ قاۋىپسىزدىگىنە اسەر ەتەدى»، - دەپ ۆەدومستۆو باسشىسى شىڭعىس ءارىنوۆ اتاپ ءوتتى.