قالامىزداعى «تۋريزم جانە قوناقجايلىلىق يندۋسترياسى» كوللەدجى – ەلىمىزدەگى تۋريزم جانە قوعامدىق تاماقتانۋ سالاسىندا بەدەلدى ۇيىمدارمەن تىعىز بايلانىس ورناتقان وقۋ ورنى. كوللەدجدىڭ الەۋمەتتىك سەرىكتەستەرى قاتارىندا:
· قازاقستاندىق قوناقۇيلەر مەن مەيرامحانالار قاۋىمداستىعى (ققجمق)،
· قازاقستان تۋريستىك اگەنتتىكتەر قاۋىمداستىعى (قتا)،
· قازاقستان تاعام كاسىپورىندارى وداعى،
· «قۇمبەل» مادەني-الەۋمەتتىك جانە ءبىلىم بەرۋدى دامىتۋدىڭ قازاقستاندىق قورى جانە باسقا دا مەكەمەلەر بار.
كوللەدجدىڭ باستى ماقساتى – ەڭبەك نارىعىنىڭ سۇرانىسىنا ساي بىلىكتى ماماندار دايارلاۋ. وسى ماقساتتا وقۋ-تاجىريبەلىك شەبەرحانالار زاماناۋي يننوۆاسيالىق جابدىقتارمەن تولىق جابدىقتالعان. بۇل ستۋدەنتتەردىڭ كاسىبي داعدىلاردى مەڭگەرىپ، جۇمىسقا ورنالاسۋ مۇمكىندىگىن ارتتىرادى.
بۇگىندە كوللەدج الماتى قالاسىنداعى جەتەكشى كاسىپورىندارمەن 300-دەن استام كەلىسىمشارت جاساسىپ، ستۋدەنتتەرگە كاسىبي تاجىريبەدەن وتۋگە مۇمكىندىك بەرىپ وتىر.
2022 جىلدان باستاپ كوللەدجدە «جاس مامان» جوباسى اياسىندا «قوناقجايلىلىق يندۋسترياسى» قۇزىرەتتىلىك ورتالىعى جۇمىس ىستەي باستادى. بۇل ورتالىق:
· كاسىبي قۇزىرەتتىلىكتى ارتتىرۋعا،
· جاڭا تەحنولوگيالىق شەشىمدەردى مەڭگەرۋگە،
· زاماناۋي داعدىلاردى دامىتۋعا باعىتتالعان.
سونداي-اق ورتالىق بازاسىندا كاسىبي بايقاۋلار مەن حالىقارالىق چەمپيوناتتارعا دايىندىق جۇرگىزىلەتىن وقۋ-جاتتىعۋ لاگەرلەرى جۇمىس ىستەيدى.