قازاقستانداعى بالا قۇقىقتارى جونىندەگى ۋاكىل دينارا زاكييەۆا ءوزىنىڭ الەۋمەتتىك جەلىلەرىندە الماتىداعى "باعاناشىل" بالالار ۇيىندەگى جانجالعا قاتىستى جاعدايعا بايلانىستى پىكىرىن جاريالادى، - دەپ حابارلايدى اqshamnews.kz ءتىلشىسى.
"بۇگىن بالالار ءۇيىنىڭ ەمەس، سان-دا تۇرىپ جاتقان بالالار كوشىرىلدى. سان-دا ومىرلىك قيىن جاعدايعا تاپ بولعان جانە وبلىستىڭ ءارتۇرلى بولىكتەرىنەن كەلگەن بالالار ۋاقىتشا تۇرادى. كوكتەمدە بالالار مەن اكىمدىك اراسىنداعى كەزدەسۋدىڭ قورىتىندىسى بويىنشا، سان-دا تۇرىپ جاتقان بالالار مەن مەكەمەنىڭ ءوزى كوشەتىنى شەشىلگەن بولاتىن، بۇل اقپاراتتى مەن كوكتەمدە جاريالاعانمىن. كەشە بۇل تۋرالى وبلىستىق ءبىلىم باسقارماسىنىڭ رەسمي پاراقشاسىندا اكىمدىك حابارلادى"، - دەپ جازدى زاكييەۆا.
الايدا ول الماتى وبلىسىنىڭ اكىمدىگى سان-دا تۇراتىن بالالاردىڭ كوشۋى كەزىندە قاۋىپسىزدىكتى قامتاماسىز ەتپەگەنىن ايتتى. سونىڭ سالدارىنان بۇگىن جول بەرىلمەيتىن جاعداي بولدى: بالالار ءۇيىنىڭ تۇلەگى قىز ەسىنەن تانىپ قالدى، ءبىر بالانىڭ اياعى جاراقاتتاندى.
"وسى جاعداي بويىنشا، بالالاردان كەلگەن حابارلامادان كەيىن سوڭعى اپتا ىشىندە بىرنەشە رەت اكىمدىككە جۇگىندىم. الايدا جەرگىلىكتى اتقارۋشى ورگان حاباردار ەتپەي، كەلىسىلمەگەن ارەكەتتەردى جۇزەگە اسىردى".
ول بارلىق جاعداي بويىنشا پرەزيدەنت اكىمشىلىگى تەكسەرۋ جۇرگىزەتىنىن، ارنايى توپ قۇرىلاتىنىن ايتتى.