زايىتوۆ ماجىلىستە قانداي ماسەلەلەردى كوتەرەتىنىن ايتتى

ول ماسەلەنى ەندى ايتىستاعىداي ولەڭ جولىمەن ەمەس، دەپۋتاتتىق ساۋالمەن جەتكىزەتىنىن ايتتى.

ءماجىلىستىڭ كۋلۋارىندا جاڭادان سايلانعان دەپۋتات رينات زايىتوۆ دەپۋتات رەتىندە قانداي ماسەلە كوتەرەتىنىن ايتتى، دەپ حابارلايدى اlmaty-akshamy.kz  Azattyq Ruhy-نا سىلتىمە جاساپ.

«ماجىلىستە ايتىستا كوتەرىلىپ جۇرگەن ماسەلەلەر كوتەرىلەدى. ولەڭ جولىمەن ەمەس، دەپۋتاتتىق ساۋال رەتىندە»، - دەدى رينات زايىتوۆ.

جاڭادان سايلانعان دەپۋتات الەۋمەتتىك جەلىلەردە ايتىلىپ جۇرگەن سايلاۋداعا فالسيفيكاسيا ماسەلەسىن تاباندىلىق تانىتىپ جۇرگەن ادامداردىڭ ءتيىستى ورگاندارعا جۇگىنىپ، اياعىنا دەيىن جەتكىزۋى قاجەت ەكەنىن ايتتى.

«سايلاۋداعى فالسيفيكاسياعا ءوزىم دە قارسىمىن. باسىندا ءبىرمانداتتىق سايلاۋ وكرۋگىنەن كانديداتۋرامدى الدىم. ودان كەيىن «AMANAT» پارتياسىنىڭ پارتيالىق تىزىمىمەن ۇسىنىسقا كەلىسىم بەردىم. وڭىرلەردى ارالاپ، حالىقپەن كەزدەسكەنىمدى كوردىڭىزدەر. جاساندى كەزدەسۋ ەمەس، حالىقپەن بايلانىسۋعا تىرىستىق. ءوز باسىم حالىقتىڭ سەنىمى مەن داۋىسى ارقىلى ءوتتىم دەپ ايتا الامىن»، - دەدى جاڭا دەپۋتات ءماجىلىستىڭ كۋلۋارىندا.

ول پارتيالىق باسەكەدە «AMANAT» تولىققاندى جەڭىسكە جەتكەنىن ايتتى.

«وسى 7 پارتيانىڭ ىشىنەن «AMANAT» پارتياسى تولىققاندى جەڭىسكە جەتتى دەپ ايتا الامىن. وتىرىك ەمەس، شىن. وعان مورالدىق، تولىق قۇقىعىم بار. كوپ ماسەلەنى شەشكىم كەلەدى. ەڭ الدىمەن، ءتىل ماسەلەسى»، - دەدى رينات زايىتوۆ.