مەديسينا قىزمەتكەرلەرى زاڭمەن قورعالادى.
بۇل تۋرالى مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا ايتتى، دەپ حابارلايدى Almaty-akshamy.kz
«ادام كاپيتالىن دامىتۋعا قاتىستى تاعى ءبىر ماسەلە – دەنساۋلىق ساقتاۋ جۇيەسىنىڭ ءتيىمدى بولۋى. ەلىمىزدەگى مەديسينا ينفراقۇرىلىمىن جاقسارتۋ قاجەت. ونىڭ جاي-كۇيىنە قاتىستى تۇيتكىلدەر از ەمەس. مەملەكەت سونىڭ ءبارىن بىرتىندەپ شەشىپ جاتىر. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋىل-ايماقتا 600-دەن استام نىسان سالۋ جوسپارلانعان. جۇمىستىڭ ءبارى ۋاقتىلى ءارى ساپالى جاسالۋى كەرەك. بۇل – وتە ماڭىزدى. بارلىق جاۋاپكەرشىلىك اكىمدەرگە جۇكتەلەدى»، - دەدى پرەزيدەنت.
سونداي-اق مەديسينا قىزمەتكەرلەرىنىڭ قۇقىعىن قورعاۋعا كوپ كوڭىل ءبولۋ قاجەت. ولاردىڭ الەۋمەتتىك جاعدايى دا نازاردان تىس قالماۋى ءتيىس. وسىعان قاتىستى ارنايى زاڭ جوباسى پارلامەنتتە ءبىر جىلعا جۋىق تالقىلاندى. بۇل قۇجاتتا، نەگىزىنەن، دارىگەرلەردىڭ جاۋاپكەرشىلىگىن ساقتاندىرۋ عانا كوزدەلگەن.
پرەزيدەنتتىڭ ايتۋىنشا، وسى رەتتە مەديسينا سالاسىنىڭ بەدەلىن ارتتىرۋعا قاتىستى دەپۋتاتتار مەن مامانداردىڭ ناقتى ۇسىنىستارى ەسكەرىلمەگەن. مەديسينا قىزمەتكەرلەرى زاڭ ارقىلى قورعالۋى ءتيىس. پارلامەنت وسى ماسەلەنى ەرەكشە نازارعا العانى ءجون.