ءبىر وكىنىشتىسى، جول اپاتى ءبىر بالانىڭ ءومىرىن جالمادى.
جەرگىلىكتى پوليسيا قىزمەتى مۇنداي مالىمەتتەردى “جولدارداعى بالالاردىڭ قاۋىپسىزدىگى” رەسپۋبليكالىق جەدەل الدىن الۋ ءىس-شاراسى اياسىندا بالالاردىڭ جول-كولىك جاراقاتىنىڭ سەبەپتەرى مەن جاعدايلارىنا ارنايى جۇرگىزگەن تالداۋدى ەسكەرە وتىرىپ ۇسىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بيىلعى جىلدىڭ 2 ايىندا الماتى جولدارىندا بالالاردىڭ قاتىسۋىمەن بولعان 95 جول-كولىك وقيعاسى تىركەلدى، سونىڭ سالدارىنان 107 بالا زارداپ شەكتى، 1 بالا قايتىس بولدى.
اناليتيكالىق مالىمەتتەرگە سايكەس، بالالار كوبىنەسە جولدىڭ ءجۇرۋ بولىگىن كەسىپ ءوتۋ كەزىندە زارداپ شەگەدى – 60 جكو، كەدەرگىگە سوعىلۋىنا بايلانىستى – 3 جكو، كولىك قۇرالدارىنىڭ سوقتىعىسۋى ناتيجەسىندە 26 جكو جانە ت.ب. سونىمەن قاتار بالاردىڭ زارداپ شەگۋىمەن، جىلدامدىقتى شەكتەن اسىرۋدىڭ سەبەبىنەن 20 جكو، مانيەۆر جاساۋ ەرەجەسىن بۇزۋدان – 48 جكو، جاياۋ جۇرگىنشىلەرگە باسىمدىق بەرمەۋگە بايلانىستى – 21 جكو، جول قيىلىسىنان ءوتۋ ەرەجەسىن بۇزۋ ناتيجەسىندە – 6 جكو تىركەلدى.
تاۋلىكتىك ۋاقىت بويىنشا تالداۋ كەلەسىدەي: ساعات 06:00-دەن باستاپ 18:00-گە دەيىن 60 جكو ورىن الدى، 27 جكو – 18.00-دەن باستاپ 24.00-گە دەيىن، 24.00-دەن 06.00-گە دەيىنگى ارالىقتا تاعى 8 جكو بولدى. كوبىنەسە جول-كولىك وقيعالارىنا 16-17 جاس (30 جول-كولىك وقيعاسى)، 12-13 جاس (13 جول-كولىك وقيعاسى)، 10-11 جانە 14-15 جاس (11 جول-كولىك وقيعاسى) ارالىعىنداعى بالالار تۇسەدى. بالالاردىڭ قاتىسۋىمەن بولعان جكو-نىڭ كوپشىلىگى سەيسەنبىدە (18 جكو)، جۇمادا (16 جكو)، دۇيسەنبىدە جانە سارسەنبىدە (ءارقايسىسى 13 جكو) تىركەلدى. سونداي-اق الماتى پوليسياسى، جولدا ءجۇرۋ ەرەجەلەرىن ناقتى ءبىلۋ جانە بۇلجىتپاي ساقتاۋ – بالاڭىزدىڭ قاۋىپسىزدىگى مەن دەنساۋلىعىنىڭ كەپىلى ەكەنىن ەسكە سالادى.