باقتيەر زاينۋتدينوۆتىڭ قۇنى كوتەرىلدى.
ءقازىر قازاقستاندىق فۋتبولشىنىڭ باعاسى 6،5 ملن ەۋرونى قۇرايدى، دەپ حابارلايدى Almaty-akshamy.kz 24.kz-كە سىلتەمە جاساپ.
بيىل «بەشىكتاستىڭ» جەيدەسىن كيگەن الادوپ شەبەرى ەۋروكۋبوك دوداسىندا جاقسى قىرىنان تانىلدى.
ماۋسىم ايىندا ماسكەۋلىك سسكا ساپىندا جۇرگەندە جەرلەسىمىزدىڭ قۇنى 5 ملن ەۋرو ەدى. تۇركياعا اۋىسقالى زاينۋتدينوۆتىڭ مارتەبەسى عانا ەمەس، باعاسى دا كوتەرىلدى. باقتيەر قازاق فۋتبولىنداعى ەڭ قىمبات ويىنشى سانالادى. ەكىنشى ورىندا «زەنيت» قورعاۋشىسى ءنۇرالى ءالىپ تۇر. ونىڭ نارىقتاعى باعاسى 1،2 ملن ەۋرونى قۇرايدى.