بۇل تۋرالى حابارلاما ارقىلى ەسكەرتىلەتىن بولادى.
WhatsApp مەسسەندجەرى قازان ايىنىڭ سوڭىنان باستاپ تەك 5.0 جانە ودان جوعارى وپەراسيالىق جۇيەسى بار Android قۇرىلعىلارىندا عانا جۇمىس ىستەيتىن بولادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
الەۋمەتتىك جەلى قۇراۋشىلارى ەسكىرگەن وپەراسيالىق جۇيەسى بار ءبىرقاتار گادجەتتەردە جۇمىسىن توقتاتاتىنى تۋرالى پايدالانۋشىلارعا مەسسەندجەردىڭ رەسمي سايتىندا ەسكەرتتى.
«2023 جىلدىڭ 24 قازانىنان باستاپ سەرۆيس تەك Android 5.0 جانە ودان جوعارى وپەراسيالىق جۇيەلەردە عانا جۇمىس ىستەيتىن بولادى»، - دەپ حابارلادى WhatsApp-تان.
كومپانيا وپەراسيالىق جۇيەنى جاڭارتۋ قاجەتتىگى تۋرالى پايدالانۋشىلارعا تىكەلەي مەسسەندجەردەگى حابارلاما ارقىلى ەسكەرتەتىنىن اتاپ ءوتتى.
«ءبىز سىزگە وپەراسيالىق جۇيەنى جاڭارتۋ قاجەتتىلىگىن بىرنەشە رەت ەسكە سالامىز»، - دەپ ءتۇسىندىردى WhatsApp قۇراۋشىلارى.
WhatsApp تەك 24 قازانعا دەيىن عانا 4.1 جانە ودان كەيىنگى وج بار Android نەگىزىندەگى قۇرىلعىلاردى جۇمىس ىستەيتىن بولادى.