الماتىدا قاراۋسىز قالعان نىسانداردىڭ ورنىندا قالا تۇرعىندارىنا ىڭعايلى بولۋ ءۇشىن كوپدەڭگەيلى پاركينگتەر پايدا بولادى.
بۇل تۋرالى الماتى اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە بەلگىلى بولدى، دەپ حابارلايدى Almaty-akshamy.kz.
كەزدەسۋگە قاتىسقان اۋدان تۇرعىندارى اكىمگە وزدەرىن تولعاندىرعان سۇراقتارىن قويدى.
مەدەۋ اۋدانى تۇرعىنىنىڭ سۇراعى: مەن سامال-2 شاعىن اۋدانىندا تۇرامىن. سنەگين كوشەسىندە 15 جىلدان استام ۋاقىت بويى كوپ دەڭگەيلى پاركينگ قاراۋسىز قالدى. ونى ءار ءتۇرلى اسوسيالدى ەلەمەنتتەر، قاڭعىباس يتتەر پانالاۋدا. بۇل تۇرعىندارعا ۇلكەن قولايسىزدىق تۋدىرادى. ۇلكەن ءوتىنىش، ونى بۇزىڭىزدار نەمەسە باسقا ماسەلەنى قاراستىرىڭىزدار.
«ءبىز بۇل ماسەلەنى شەشۋ جولدارىن قاراستىرۋدامىز. ەستەرىڭىزدە بولسا، مەن قالادا كوپ دەڭگەيلى پاركينگتەردى دامىتۋ بويىنشا تاپسىرما بەرگەن بولاتىنمىن. ماسەلە وبەكتىنى ساتىپ الۋ مە ونىڭ باعاسىنا قاتىستى بولۋدا. اعىمداعى جىلى بىزدە قارجىلىق مۇمكىندىكتەر بولمايدى، ءبىراق 2024 جىلعا ارنالعان بيۋدجەتتى قالىپتاستىرۋ كەزىندە مەن تۇرعىندارعا ىڭعايلى بولۋ ءۇشىن ولاردى كوپدەڭگەيلى پاركينگتەرگە اينالدىرۋ ءۇشىن ساتىپ الۋعا نەمەسە قۇرىلىستى اياقتاۋعا بولاتىن بارلىق ورىنداردى قاراۋعا ءتيىستى تاپسىرما بەردىم. سامال بويىنشا تاپسىرما بەرەمىن: بۇل جوبا قانشاعا باعالاناتىنىن كورەيىك. سول جەردە ىڭعايلىق ءارى دۇرىس پاركينگ جاساۋ قاراستىرىلادى. ءسىز دۇرىس بايقاعانسىز، ەسكى كوپدەڭگەيلى پاركينگ بۇرىننان تۇر. ءبىز ونى جاساي الامىز با الدە بۇزۋ كەرەك پە. قاراستىرامىز»، - دەپ جاۋاپ بەردى الماتى اكىمى ەربولات دوسايەۆ.