بۇل شارا مينيسترلىك اتقاراتىن ۇلتتىق جوبانىڭ «ەل رۋحى» II باعىتى اياسىندا جۇزەگە اسادى.
ق ر مادەنيەت جانە سپورت ۆيسە-مينيسترى نۇرعيسا داۋەشوۆتىڭ ايتۋىنشا، زاعيپ جانە كوزى ناشار كورەتىندەرگە ارنالعان كىتاپحانالار قورى ۇلعايتىلادى، دەپ حابارلايدى Almaty-akshamy.kz
بۇل باعىتتاعى جۇمىس ەلىمىزدەگى مۇمكىندىگى شەكتەۋلى ادامدار ءۇشىن تەڭ قولجەتىمدىلىكتى قالىپتاستىرۋ جانە ولاردىڭ الەۋەتىن ىسكە اسىرۋ ماقساتىندا 2025 جىلعا دەيىنگى كەزەڭدى قاراستىرادى.
وسى باعىتتاعى جۇمىستار ەلىمىزدەگى زاعيپ جانە ناشار كورەتىن ازاماتتارعا ارنالعان كىتاپحانالارمەن بىرلەسە جۇرگىزىلەدى. اتالعان كىتاپحانا وقىرماندارىنىڭ نەگىزگى اقپارات كوزى - بەدەرلى-نۇكتەلى شريفت، ياعني برايل قارپىندەگى كىتاپتار.
بۇل رەتتە مينيسترلىكتىڭ 2021-2023 جىلدارعا ارنالعان بيۋدجەتتىك جوسپارىندا جىل سايىن زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحاناعا برايل پرينتەرى مەن ءبرايلدىڭ ءپورتاتيۆتى تاكتيلدى ديسپلەيلەرىن، ماتەريالدىق ەمەس اكتيۆتەردى ساتىپ الۋ ءۇشىن جانە كىتاپحانا قورىن تولىقتىرۋعا ءتيىستى قاراجات قاراستىرىلعان.