سىبايلاس جەمقورلىققا قارسى كۇرەس
الماتى قالاسىنا جۇمىس ساپارى اياسىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ قالا اكىمى باقىتجان ساعىنتايەۆتىڭ توراعالىعىمەن وتكەن سىبايلاس جەمقورلىققا قارسى ءىس-قيمىل كەڭەسىنىڭ كەڭەيتىلگەن وتىرىسىنا قاتىستى، دەپ حابارلايدى Almaty-akshamy.kz
وتىرىسقا اۋدان اكىمدەرى، مەملەكەتتىك جانە قۇقىق قورعاۋ ورگاندارىنىڭ باسشىلارى، دەپۋتاتتار، قوعام جانە بيزنەس-قوعامداستىق وكىلدەرى قاتىستى.
ءىس-شارا بارىسىندا سىبايلاس جەمقورلىققا قارسى قىزمەتتىڭ باسشىسى م.احمەتجانوۆ سىبايلاس جەمقورلىققا قارسى ءىس-قيمىل سالاسىندا جۇرگىزىلىپ جاتقان رەفورمالار تۋرالى ايتىپ، 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ جوباسىنا ەرەكشە نازار اۋداردى. ءتيىستى تاپسىرمانى پرەزيدەنت ءوزىنىڭ قازاقستان حالقىنا جولداۋىندا بەرگەنى بەلگىلى.
م. احمەتجانوۆتىڭ ايتۋىنشا، تۇجىرىمدامانىڭ نوۆەللالارىنىڭ ءبىرى نەگىزسىز بايۋ ءۇشىن جاۋاپكەرشىلىكتى ەنگىزۋ بولىپ تابىلادى. ول شىعىستاردىڭ كىرىستەردەن اسىپ كەتۋى قارجىلىق تەكسەرۋدى باستاۋ ءۇشىن سيگنال بولاتىنىن ەرەكشە اتاپ ءوتتى.
اگەنتتىك ءتوراعاسى ازاماتتاردىڭ سىبايلاس جەمقورلىققا قارسى ءىس-قيمىل سالاسىنداعى قاجەتتىلىكتەرى مەن ۇمىتتەرىن قاناعاتتاندىرۋ قىزمەتتىڭ ءبىرىنشى كەزەكتەگى مىندەتى بولىپ تابىلاتىنىن اتاپ ءوتتى. سونداي-اق، مەملەكەتتىك ورگاندار مەن ىشكى مونيتورينگكە سىبايلاس جەمقورلىققا قارسى كومپلاەنس-قىزمەتتەردى ەنگىزۋ بويىنشا ۇسىنىستار بەرىلدى. سونىمەن قاتار، بيزنەس سالاسىندا سىبايلاس جەمقورلىققا قارسى ستاندارتتاردى ەنگىزۋ قاجەتتىلىگى اتاپ ءوتىلدى.
وتىرىس بارىسىندا سپيكەرلەر سىبايلاس جەمقورلىققا قارسى باستامالاردى تانىستىردى، تاسىلدەردى جەتىلدىرۋ بويىنشا شارالار تالقىلاندى جانە اعىمداعى جىلدىڭ 9 ايىندا الماتىدا سىبايلاس جەمقورلىققا قارسى ءىس-قيمىل بويىنشا جۇمىستىڭ ارالىق قورىتىندىلارى قارالدى.
كەڭەس قورىتىندىسى بويىنشا، الماتى قالاسىنىڭ اكىمى ب. ساعىنتايەۆ قالا اكىمىنىڭ جەتەكشىلىك ەتەتىن ورىنباسارلارىنا سىبايلاس جەمقورلىققا قارسى ساياساتتى ىسكە اسىرۋ كەزىندە وسى ۇسىنىستاردى ەسكەرۋدى تاپسىردى.