سوندىقتان دا مەرەيتوي جوعارى دەڭگەيدە ءوتۋى ءتيىس.
ق ر مەملەكەتتىك حاتشىسى قىرىمبەك كوشەربايەۆتىڭ توراعالىعىمەن جامبىل جابايەۆتىڭ 175 جىلدىعىن اتاپ ءوتۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەتتىك حاتشى ءوز سوزىندە جامبىل جابايەۆتىڭ 175 جىلدىعى ەلدىگىمىزدى ايشىقتاپ، بىرلىگىمىزدى كورسەتەتىن ايتۋلى وقيعا ەكەنىن، الداعى جوسپارلانعان ءىس-شارالاردى جوعارى دەڭگەيدە وتكىزۋ قاجەتتىگىن ايتتى.
«اقىننىڭ مەرەيتويى جاس ۇرپاقتى تاربيەلەيتىن، ۇلتىمىزدى ۇيىستىراتىن، جۇرتشىلىققا وي سالاتىن تاعىلىمى مول، ءتالىمى زور، تاربيەلىك ءمانى باي شارا بولۋى ءتيىس»، – دەدى قىرىمبەك كوشەربايەۆ.
كوميسسيا وتىرىسىندا مادەنيەت جانە سپورت ءمينيسترى اقتوتى رايىمقۇلوۆا، اقپارات جانە قوعامدىق دامۋ ءمينيسترى ايدا بالايەۆا، ءبىلىم جانە عىلىم ءمينيسترى اسحات ايماعامبەتوۆ، سونىمەن قاتار، الماتى وبلىسىنىڭ اكىمى اماندىق باتالوۆ پەن جامبىل وبلىسىنىڭ اكىمى بەردىبەك ساپاربايەۆ اقىن مەرەيتويىن اتاپ وتۋگە قاتىستى جوسپاردىڭ ورىندالۋ بارىسى جونىندە باياندادى.
جيىن سوڭىندا مەملەكەتتىك حاتشى جامبىل جابايەۆتىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپى رەسپۋبليكالىق جوسپاردى ورىنداۋ جونىندەگى جۇمىستى جالعاستىرۋدى جانە بەلگىلەنگەن ءىس-شارالاردىڭ ساپالى وتكىزىلۋىن قامتاماسىز ەتۋدى تاپسىردى.