تىيىمدى ەلەمەگەندەرگە 617 تۇرىك ليراسى (شامامەن 10 000 تەڭگە) مولشەرىندە ايىپپۇل سالىنادى. شەكتەۋ شارالارى قوعامدىق ءتارتىپتى جاپپاي بۇزۋدان كەيىن ەنگىزىلگەن، - دەپ حابارلايدى Almaty-akshamy.kz Tengritravel.kz-كە سىلتەمە جاساپ.
ىستامبۇل گۋبەرناتورى داۆۋت گۇلدىڭ ايتۋىنشا، بۇل جاڭا تىيىم ەمەس، تەك قولدانىستاعى زاڭدى ەسكەرتۋ، كەيىنگى كەزدەرى بۇل ەرەجە ساقتالماي كەتكەن. ونىڭ ايتۋىنشا، ايەلدەر ءتىپتى تۇنگى ۋاقىتتا ساياباقتار مەن جاعاجايدا ەش قورىقپاي جۇرۋىنە بولادى، ويتكەنى قاۋىپسىزدىك كۇشەيتىلەدى.
تىيىم سالۋ تۋريستەرگە دە جەرگىلىكتى تۇرعىندارعا دا قاتىستى ەكەنىن ايتا كەتۋ كەرەك. ەرەجەگە سايكەس مىناداي جەرلەردە الكوگولدىك سۋسىن ىشۋگە تىيىم سالىنادى:
- ساياباقتار مەن باقتار؛
- جاعاجايلار؛
- اشىق تەڭىزدە؛
- جاعالاۋلار؛
- پيكنيكتەر مەن دەمالىس ورىندارىندا
الايدا مەكەمەنىڭ الكوگول ساتۋعا رۇقساتى بولعان جاعدايدا، بۇل تىيىم جۇرمەيدى.