الماتىدا ورتالىق ازياداعى ەنەرگەتيكا مەن سۋ رەسۋرستارىنىڭ يننوۆاسيالارى مەن جاڭعىرتىلۋى بويىنشا حالىقارالىق فورۋم ءوتتى. اتالمىش فورۋم جۇمىسىن ق ر ۇلتتىق عىلىم اكادەمياسى، جاسىل تەحنولوگيالار مەن ينۆەستيسيالاردىڭ حالىقارالىق ورتالىعى، قازاقستان–بريتان ۋنيۆەرسيتەتى ۇيىمداستىردى.
مەملەكەت باسشىسى قاسىم-جومارت توقايەۆ بيىلعى جىلعى حالىققا ارناعان جولداۋىندا «ۇكىمەت سۋدى پايدالانۋدى رەتتەۋ جانە ونى ۇنەمدەۋ تەحنولوگياسىن ەنگىزۋ جۇمىسىن ىنتالاندىرۋ ءۇشىن ناقتى شەشىمدەر ازىرلەۋگە ءتيىس» دەپ ناقتى كورسەتكەن ەدى.
بۇگىندە ورتالىق ازيا ەلدەرى 2030 جىلعا قاراي ورنىقتى دامۋ ماقساتىنا قول جەتكىزۋ ءۇشىن ەكونوميكالىق قايتا قۇرۋلارعا كەشەندى تاسىلدەردى قولدانۋ ارقىلى قول جەتكىزۋگە بولاتىنىن ايقىن ءتۇسىنىپ وتىر. ماسەلەن، تاياۋدا عانا ورتا ازيا مەملەكەتتەرىنىڭ باسشىلارىنىڭ قاتىسۋىمەن تۇركمەنباشى قالاسىندا وتكەن كەڭەستە كولىكترانزيت، ساۋدا، تۋريزم، يننوۆاسيالىق، ەنەرگيا ۇنەمدەيتىن، ەلەكتروندى تەحنولوگيالار مەن وزگە دە باسىمدىقتاردى ەنگىزۋدىڭ ماڭىزدىلىعى تۋرالى جان-جاقتى تالقىلاعان ەدى. ءۇش كۇنگە سوزىلعان فورۋم بارىسىندا قاتىسۋشىلار ورتالىق ازيا ەلدەرىندە ەنەرگەتيكالىق، سۋ جانە جەر رەسۋرستارىن ءتيىمدى دامىتۋدىڭ جولدارىن تالقىلادى.
سونىمەن قاتار، جاڭارتىلعان ەنەرگيا كوزدەرى، ەنەرگيانى كوپ قاجەت ەتەتىن سالالاردى دەكوربونيزاسيالاۋ، سۋمەن بايلانىستى سالالارداعى وزەكتى ماسەلەلەر دە اڭگىمە وزەگىنە اينالدى. جەكە جانە قارجى سەكتورلارى ءوز كوزقاراستارىن ءبىلدىرىپ، مۇمكىندىكتەر تۋرالى ءوز ويلارىن ورتاعا سالدى. فورۋم جۇمىسىندا قبتۋ رەكتورى م.ا. (باسقارما ءتوراعاسى) ماراتبەك عابدۋللين، بۇۇ ەەك اتقارۋشى حاتشىسىنىڭ ورىنباسارى دميتريي مارياسين، سولتۇستىك جانە ورتالىق ازيا سۋبوڭىرلىك كەڭەسىنىڭ باسشىسى نيكولاي پوموششنيكوۆ، «بانكسەنتركرەديت»اق ديرەكتورلار كەڭەسىنىڭ جانە باقىلاۋ كەڭەسىنىڭ ءتوراعاسى باقىتبەك بايسەيىتوۆ، تاعى باسقا دا قاتىسۋشىلار ءسوز سويلەدى.
جالپى، حالىقارالىق فورۋمنىڭ باستى ماقساتى – 2030 جىلعا دەيىنگى كەزەڭدە ورتالىق ازيادا تۇراقتىلىقتى قامتاماسىز ەتىپ، ەكونوميكالىق ىنتىماقتاستىق پەن جاسىل تەحنولوگيالاردىڭ دامۋ سالاسىنداعى شەشىمدەردى قولعا الىپ، تەتىكتەرىن ناقتىلاۋ. سونداي-اق، فورۋمداعى ۇسىنىستار جاقىن ارادا بولاتىن ورتا ازيا ەكونوميكالارىنا ارنالعان باعدارلامانىڭ باسقارۋشى كەڭەسىنىڭ وتىرىسىندا جان-جاقتى تالقىلاناتىن بولادى.