بۇل ەكىباستۇز قالاسىنداعى مونوقالالاردى دامىتۋ ماسەلەلەرى جونىندەگى كەڭەسكە قاتىسقان مەملەكەت باسشىسىنىڭ ءسوزى.
مەملەكەت باسشىسىنىڭ قاتىسۋىمەن مونوقالالاردى دامىتۋ ماسەلەلەرى جونىندەگى كەڭەس ءوتىپ جاتىر، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
بۇدان بۇرىن پرەزيدەنت قاسىم-جومارت توقايەۆتىڭ جۇمىس ساپارىمەن ەكىباستۇز قالاسىنا بارعانىن حابارلاعانبىز.
«مونوقالالاردىڭ ەكونوميكاسىن ءارتاراپتاندىرۋ ايرىقشا ماڭىزدى. باسقا دا سالالاردى دامىتىپ، جاڭا جۇمىس ورىندارىن اشۋ – اسا وزەكتى ماسەلە. بىزدە ءالى كۇنگە دەيىن مونوقالالاردى وركەندەتۋگە قاتىستى ناقتى ۇستانىم مەن ورتاق پىكىر جوق»، -دەدى مەملەكەت باسشىسى.
پرەزيدەنتتىڭ ايتۋىنشا، ەلىمىزدەگى مونوقالالاردا 1 ميلليون 400 مىڭ ادام تۇرادى ەكەن.
«قازاقستاندا 89 قالا بار. سونىڭ 27ء-سى نەمەسە 30 پايىزى – مونوقالالار. وندا 1 ميلليون 400 مىڭ ادام تۇرادى. بۇل – حالقىمىزدىڭ 8 پايىزى. ءقازىر مونوقالالار ەكونوميكامىزدى دامىتۋعا ەداۋىر ۇلەس قوسىپ وتىر. ولار وندىرىستىك ونەركاسىپ ونىمدەرىنىڭ 40 پايىزعا جۋىعىن وندىرەدى»، -دەدى قاسىم-جومارت توقايەۆ.