بيىل چەمپيوناتقا 53 قۇزىرەت بويىنشا 380 جاس مامان قاتىستى. ولاردىڭ ناتيجەلەرىن 400-دەن استام ساراپشى باعالادى. تالاپ ەتىلمەگەن قۇزىرەتتەردىڭ ورنىنا جاڭالارى پايدا بولدى. ولاردىڭ ىشىندە جيھاز ءوندىرىسىن اۆتوماتتاندىرۋ، جۇكتەردى ەكسپەديسيالاۋ، ەلەكتروموبيلدەرگە تەحنيكالىق قىزمەت كورسەتۋ جانە جوندەۋ.
«قۇرمەتتى چەمپيوندار، جەڭىس-بۇل تاربيەشىلەرمەن، ساراپشىلارمەن، اتا-انالارمەن، دوستارمەن بىرگە وتكەن ۇزاق جولدىڭ سوڭى ەمەس، بۇل ءسىزدىڭ ۇلتتىق جانە الەمدىك چەمپيوناتتارداعى بولاشاق جەڭىستەرىڭىزدىڭ باستاماسى عانا. سوندىقتان جەڭىمپازدارعا الداعى جۇمىستا تابىس تىلەيمىن، ويتكەنى ءبىز ۇلتتىق چەمپيوناتتا قالامىزدىڭ اتىنان وكىلدىك ەتۋگە سىزدەرگە سەنەمىز!»، - دەپ اتاپ ءوتتى اسەم ءنۇسىپوۆا.
بايقاۋ جەڭىمپازدارى استانادا وتەتىن WorldSkills Kazakhstan 2024 رەسپۋبليكالىق چەمپيوناتىنا قاتىسادى. ءبىرىنشى جانە ەكىنشى ورىنداردىڭ جۇلدەگەرلەرى دايىندىقتىڭ كەلەسى كەزەڭىنە وتەدى، وندا ءۇش اي ىشىندە وقۋ-جاتتىعۋ لاگەرلەرىندە ءوز داعدىلارىن جەتىلدىرەدى. كەزەڭ جەڭىمپازى ۇلتتىق قۇرامانىڭ قۇرامىنا كىرىپ، دانيادا وتكەن EuroSkills 2025 چەمپيوناتىنا ەل نامىسىن قورعاۋعا اتتانادى.
بەكىتىلگەن 30 قۇزىرەت بويىنشا WorldSkills Kazakhstan رەسپۋبليكالىق چەمپيوناتىن وتكىزىپ كەلەدى. وسى جىلدان باستاپ نەگىزگى 30 قۇزىرەتتىلىككە باسا نازار اۋدارىلدى، قالعان 23ء-ى قوسىمشا رەتىندە وتكىزىلەدى.
ءار مەدال كوللەدجگە ۇپاي اكەلەدى. وسىلايشا، بايقاۋ قورىتىندىسى بويىنشا الماتى پوليتەحنيكالىق كوللەدجى 34 بالل، الماتى قۇرىلىس-تەحنيكالىق كوللەدجى جانە الماتى كوپسالالى كوللەدجى 26 بالل، الماتى جولاۋشىلار كولىگى جانە تەحنولوگيالار كوللەدجى 22 بالل، ساۋلەت، ديزاين جانە ينجەنەريا كوللەدجى 18 بالل جانە يننوۆاسيالىق تەحنيكالىق كوللەدجى 16 بالل جينادى.
WorldSkills Almaty 2024 ماقساتى جۇمىسشى كاسىپتەرىنىڭ بەدەلىن ارتتىرۋ جانە شەبەرلىك داعدىلارىن دامىتۋ بولىپ تابىلادى. كونكۋرسقا قاتىسۋشىلار قالا كوللەدجدەرىنىڭ 18 الاڭىندا كەلەسى قۇزىرەتتەر بويىنشا سايىسقا ءتۇستى: گرافيكالىق ديزاين، كىرپىش قالاۋ، قۇرعاق قۇرىلىس جانە سىلاق جۇمىستارى، سانتەحنيكا جانە جىلىتۋ، كەسكىندەمە جانە ساندىك جۇمىستار، بيزنەسكە ارنالعان IT-شەشىمدەر، ساندىق باسقارىلاتىن ستانوكتاردا توكارلىق جۇمىستار، CAD ينجەنەرلىك گرافيكاسى، جەڭىل اۆتوموبيلدەردى پروتوتيپتەۋ، جوندەۋ جانە قىزمەت كورسەتۋ جانە ت.ب.
ايتا كەتەرلىگى، ءىس-شارا «ساپالى ءبىلىم بەرۋ «ءبىلىمدى ۇلت» ۇلتتىق جوباسىن ىسكە اسىرۋ اياسىندا جانە WorldSkills International قۇزىرەتى بويىنشا WorldSkills Kazakhstan ۇلتتىق قوزعالىسىن قولداۋ ماقساتىندا ءوتتى. بايقاۋعا الماتى قالاسى كوللەدجدەرىنىڭ ستۋدەنتتەرى، WSA چەمپيوناتىنىڭ باس ساراپشىلارى، WS الەۋمەتتىك سەرىكتەستەرى، الماتىنىڭ جۇمىس بەرۋشىلەرى قاتىستى.