لوس-اندجەلەستە وتەتىن بۇل بايقاۋدا الەمنىڭ 70-تەن استام ەلىنەن كەلەتىن 2 000 وقۋشى اراسىندا 9 ملن. $ قۇرايتىن جۇلدە قورى ساراپقا سالىنادى.
قازاقستان قۇراما كومانداسىنىڭ مۇشەلەرى بيىلعى وقۋ جىلىنىڭ رەسپۋبليكالىق عىلىمي جوبالار كونكۋرسىنىڭ قورىتىندى كەزەڭىندە ىرىكتەلدى، ولار:
ءاليحان جاربولوۆ – الماتى قالاسىنداعى رفمم 11-سىنىپ وقۋشىسى، ءوزىنىڭ ماتەماتيكالىق جوباسىمەن؛
ءابىلمانسۇر راحمەتتۋللايەۆ – «Haileybury Astana» حالىقارالىق مەكتەبىنىڭ 12-سىنىپ وقۋشىسى، ينفورماتيكا پانىنەن؛
ساياجان جاقسىعالييەۆا – استانا قالاسىنداعى «ميراس» حالىقارالىق مەكتەبىنىڭ 11-سىنىپ وقۋشىسى، حيميا پانىنەن عىلىمي جوبامەن قاتىسادى.
Cۋرەت: وقۋ-اعارتۋ مينيسترلىگى
كونكۋرستىڭ سالتاناتتى اشىلۋ ءراسىمى 13 مامىردا تىنىق مۇحيتى ۋاقىت بەلدەۋى بويىنشا ساعات 19.00-دە وتەدى.
انىقتاما ءۇشىن: Regeneron ISEF - 13 پەن 18 جاس ارالىعىنداعى مەكتەپ وقۋشىلارىنىڭ عىلىمي جانە ينجەنەرلىك جەتىستىكتەرىنىڭ دۇنيەجۇزىلىك كورمە-كونكۋرسى. ول جاس عالىمداردى انىقتاۋ مەن قولداۋعا، قولدانبالى جانە ىرگەلى عىلىمدار سالاسىنداعى زەرتتەۋلەردى دامىتۋعا باعىتتالعان.